اسلام آباد۔1مئی (اے پی پی): صدر آصف علی زرداری ءَ پاکستانی ءُ چینی ادارگ آنی نیام ءَ یکجائی منصوبگ ءِ منوگری ءُ دو تپاک نامہ ءِ سر ءَ دستخط کنگ ءِ مراگش ءَ بھر زوری کتگ ایشی ءِ تہ ءَ تعمیراتی مشینری، جانور آنی جان سلامتی ءُ میڈیکل ٹیکنالوجی ءِ شوبگ ھوار اَنت۔ اے کارانی مول ءُ مراد ایش انت کہ کلیدی دمگاں عملی کمک ءَ را گیش کنگ بہ …
صدر آصف علی زرداری پاکستانی ءُ چینی ادارگ آنی نیام ءَ دو تپاک نامہ ءُ منوگری ءِ دستخط کنگ ءِ مراگش ءَ بہر زوری
گیشتریں ھال
اسلام آباد۔1مئی (اے پی پی): صدر آصف علی زرداری ءَ پاکستانی ءُ چینی ادارگ آنی نیام ءَ یکجائی منصوبگ ءِ منوگری ءُ دو تپاک نامہ ءِ سر ءَ دستخط کنگ ءِ مراگش ءَ بھر زوری کتگ ایشی ءِ تہ ءَ تعمیراتی مشینری، جانور آنی جان سلامتی ءُ میڈیکل ٹیکنالوجی ءِ شوبگ ھوار اَنت۔ اے کارانی مول ءُ مراد ایش انت کہ کلیدی دمگاں عملی کمک ءَ را گیش کنگ بہ بیت۔ صدارت ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ الحسن ٹریڈ اسٹیبلشمنٹ، سانی انٹرنیشنل ڈویلپمنٹ ءُ ہنان جیالانگ انٹرنیشنل ٹیکنالوجی ءِ نیام ءَ مزنیں کوالٹی ءِ سامان، مینوفیکچرنگ ءُ تعمیراتی مشینری ءِ پڑ ءَ کمک ءِ واستہ یک تپاک نامہ ءِ سر ءَ دستخط کنگ بوتگ۔ سہ فریقی کمک ءِ تہ ءَ چین ءُ پاکستان ءِ اقتصادی راہداری ءِ ھوالگ ءَ کار آنی کمک ءِ سر ءَ دلگوشی دیگ بوتگ، سرجمیں جوڑیشت ءِ مشینری ءُ سامان آنی پھجارینگ ءِ تہ ءَ کمک ءَ را گیش کنگ، پیشہ وارانہ تربیت ءِ نظام ءِ دیمروئی ءُ آفٹر سیلز آپریشن ءُ مینٹیننس سروسز ءِ پھجارینگ ءِ سر ءَ دلگوشی دیگ بوتگ۔ فریق پاکستان ءَ کارخانہ جوڑ کنگ ءِ واستہ سرمایہ کاری ءِ موہ آناں ھم پٹ ءُ پول کن اَنت ءُ تعمیراتی مشینری ءِ لوکل پیداوار ءَ را گیش کنگ ءَ اَنت۔ تپاک نامہ ءِ سر ءَ سینیٹر سلیم منڈوی والا ، سانی گروپ ءِ نائب صدر لی کن ءُ ہنان جیالانگ انٹرنیشنل ٹریڈ کمپنی ہو جیالانگ ءِ چیئرمین ءَ دستخط کتگ۔ حکومت سندھ ءِ لائیو اسٹاک ءُ ماہی گیری ءِ محکمہ ءُ چین ءِ لویانگ ماڈرن بائیولوجی گروپ ءِ نیام ءَ پاکستان ءَ پاد ءُ دپ ءِ نادراہی ءِ ویکسین ءَ ھوار جانور آنی ویکسین ءِ سپلائی ءُ بہر ءُ بانگ ءِ واستہ یکجائی معاہدے ءِ سر ءَ دستخط کنگ بوتگ۔ معاہدے ءِ تہا ٹیکنالوجی ءِ تبادلہ ءُ پاکستان ءَ جانور آنی واستہ ٹریک اینڈ ٹریس سسٹم ءِ بندات کنگ ءِ ھوالگ ءَ آیوکیں وھد ءَ کمک ءِ شق ھم ھوار انت۔ اے منوگری ءِ سرا سندھ ءِ سینئر صوبائی وزیر شرجیل انعم میمن ءُ لوئیانگ ماڈرن بائیولوجی گروپ ءِ چیئرمین وانگ شانپو ءَ دستخط کتگ۔ ڈاکٹر ضیاء الدین ہسپتال ءُ شنزن ویبانگ ٹیکنالوجی ءِ نیام ءَ دگہ یک تپاک نامہ ءِ سر ءَ دستخط کنگ بوتگ کہ طبی ٹیکنالوجی ءِ پڑ ءَ ”پروڈکٹ سروس سولیوشن“ ءِ سر ءَ بنیات ءَ کمک ءِ ماڈل جوڑ کنگ بہ بیت۔ اے تپاک نامہ ءِ تہ ءَ کلینیکل میڈیسن ءِ تہ ءَ میڈیکل انٹیلی جنٹ روبوٹ آنی نوکیں رنگ ءَ کارمردی ءِ سر ءَ دلگوشی دیگ بوتگ، ایشی ءِ مول ءُ مراد پاکستان ءِ میڈیکل ءُ جان سلامتی ءِ نظام ءِ دیمروئی ءِ کمک کنگ اِنت۔ تپاک نامہ ءِ سر ءَ ڈاکٹر ضیاء الدین ہسپتال ءِ نیمگ ءَ ڈاکٹر انوپ کمار داوانی ءُ شنزن ویبانگ ٹیکنالوجی ءِ ڈپٹی جنرل منیجر واجہ دنگ ہائیتاؤ ءَ دستخط کتگ۔ اے موہ ءِ سر ءَ پاکستان ءُ چین ءِ نیام ءَ 75سال ءِ دوستی ءِ بابت ءَ دستاویزی فلم ھم پیشدارگ بوت۔ مراگش ءِ تہ سرمایہ کاری ءُ سرکاری ءُ نجی شراکت داری منصوبگ آنی ھوالگ ءَ سر وزیر سندھ ءِ ھاسیں کمکار سید قاسم نوید قمر، چیف سیکرٹری سندھ علی حسن بروھی ءُ چین ءَ پاکستان ءِ سفیر خلیل ھاشمی ھم ھوار اتنت۔
