پوریاگر آنی وشھالی ءِ واستہ انقلابی گامگیج زورگ بوھگ ءَ انت، پوریاگر ءِ روچ ءِ موہ ءَ وفاقی وزیر ریلوے ءِ کلوہ

اسلام آباد۔1مئی  (اے پی پی): ریلوے ءِ وفاقی وزیر محمد حنیف عباسی ءَ ریلوے ءِ کارندہ آناں شگر ءُ منت درشان کنان ءَ ءُ آھاں مزدور ءِ ادارگ ءِ اصل طاقت گشگ ءِ وھد ءَ گوشت کہ کارندہ آنی وشھالی ءِ واستہ انقلابی گامگیج کنگ بوھگ ءَ انت۔ جمعہ ءِ روچ ءَ ریلوے ءِ وزیر ءَ کار ءِ روچ ءِ سر ءَ وتی کلوہ ءِ تہ ءَ گوشت کہ ریلوے ءِ کارندہ آنی زھگ آناں مفت ءُ کوالٹی ءِ وانگ ءُ زانگ ءِ پجارینگ بیت، ریلوے ءِ نادراھجاھ آنی تہ ءَ کارندہ ءُ آوانی کھول آنی واستہ مفت ءُ کوالٹی ءِ طبی آسراتی آنی دستیابی حکومت ءِ اولی ترجی اِنت۔ آئی ءَ گوشت کہ ریلوے گارڈ ءُ کارندہ آنی واستہ رننگ روم آناں نوکیں لیکہ آنی سر ءَ اپ گریڈ کنگ بوھگ ءَ انت، آرام دہ چاگرد ءُ رننگ روم آنی تہ ءَ گہتریں آسراتی پجاری کنگ بنت تانکہ کارندہ امن ءُ ایمنی ءَ آرام بہ کن انت۔ وفاقی وزیر ءَ گوشت کہ گہتریں آسراتی آنی سبب ءَ کارمند آنی کارکردگی ءَ را مزنیں کساسے ءَ گہتری کیت، ءُ اے حکومت ءِ جزم اِنت کہ کارمند آنی واستہ ایمن، باوقار ءُ جوانیں لیس کار ءِ چاگرد ءِ پھجارینگ بہ بیت۔ آئی ءَ گوشت کہ مزور آنی وشھالی پاکستان ریلوے ءِ دیمروئی ءِ ضمانت انت۔