آئی بی سی سی ءَ 2025 ءِ ھمک سالی رپورٹ شنگ

اسلام آباد۔ 30 اپریل (اے پی پی) : آئی بی سی سی ءَ وتی ھمک سالی رپورٹ 2025 شنگ کتگ کہ ایشی ءِ تہ ءَ پاکستان ءِ چکاس ءُ جائزہ ءِ نظام ءِ تہ ءَ یک سال ءِ مزنیں بدلی ءِ درشانی کنگ بوتگ۔ رپورٹ ءِ رد ءَ آئی بی سی سی ءَ روٹ سسٹم ءَ چہ دور فہم ءِ بنیاد ءَ (تصوراتی) وانگ ءُ زانگ ءَ را دیم ءَ برتگ۔ اے ھاتر ءَ سرجمیں ملک ءَ ماڈل ءِ ارزیابی ءِ چارچوب ءِ سر ءَ عمل کنگ بوت۔ ایشی ءِ چیر دستی ءَ استاد ءُ چکاس ءِ ماہرین ءَ را نوکیں رھبندانی رد ءَ اسٹوڈنٹ لرننگ آؤٹ کمز (SLOs)، بلومز ٹیکسانومی ءِ درجہ بندی ءُ شرتریں جُست جوڑ کنگ ءِ رد ءَ تربیت دیگ بوتگ کہ ایشی ءَ چہ چکاس گیشتر شفاف ءُ کوالٹیی بوتگ اَنت۔ سال 2025 ءِ تہا یک مزنیں پیشرفت ءِ ون ونڈو ڈیجیٹل تصدیق، تصدیق ءُ مساوات ءِ نظام ءِ بندات کنگ بوتگ۔ اے کار ءَ چہ نودربراں دراھیں سروسز آسان، شفاف ءُ آن لائن بوتگ اَنت ءُ نوں تصدیق ءِ عمل ھم تیز تر ءُ ایمن تر بوتگ۔ آئی بی سی سی ءَ نیشنل آئٹم بینک ءِ جوڑ کنگ ءُ ٹیکنالوجی ءِ کارمردی ءَ را گیش کنگ ءَ چہ چکاس ءِ نظام ءَ را گیش مھکم کتگ۔ ایشی ءَ ابید درملکی امتحانی بورڈ آنی واستہ نوکیں نظام ھم دیم ءَ آرگ بوتگ کہ آھانی اسناد راجی کوالٹی ءِ رد ءَ بہ بنت۔ مراگش ءَ گوں گشتانک دیان ءَ آئی بی سی سی ءِ ایگزیکٹو ڈائریکٹر ڈاکٹر غلام علی ملا ءَ گوشت کہ ھمک سالی رپورٹ 2025 ءِ رد ءَ اے گپ ءِ پدر کنگ بیت کہ ما پاکستان ءِ چکاس ءِ نظام ءَ را شفاف، منصفانہ ءُ جھان ءِ کوالٹی ءِ رد ءَ جوڑ کنگ ءَ آں ۔ ما یک انچیں نظام ءِ لوٹ آں کہ ورنا آنی ضلورت آناں پیلو بہ کنت ءُ ملک ءِ دیمروئی ءَ کمک بہ کنت۔ رپورٹ ءَ نودربر آنی واستہ جتا جتائیں گامگیج آنی ھم ذکر کنگ بوتگ، ایشی ءِ تہ ءَ میرٹ ءِ سر ءَ بنیات ءِ سر ءَ پروگرام، درملک ءَ وانگ ءِ موہ ءُ برجمیں نودربر آنی واستہ آسراتی ھوار اَنت۔ ایشی ءِ گوما پاکستان ءِ ہائیر سیکنڈری اسکول سرٹیفکیٹ (ایچ ایس ایس سی) ءِ جھان ءِ شناخت ءَ را گہتر کنگ ءِ واستہ ھم کار کنگ بوتگ۔ ادارہ ءِ تہا ہم ھاسیں پیسلہ کنگ بوتگ انت، چوشکہ درجہ بندی ءِ نظام ءِ تہا گہتری، امتحان ءِ شیڈول، برابری ءِ پالیسی ءُ ریسرچ ونگ ءِ جوڑ کنگ۔ اے گامگیج آئی بی سی سی ءِ کرد ءَ گیش مھکم کن اَنت۔ اے رپورٹ ءَ یک نوکیں ، ٹیکنالوجی ءِ سرا مبنی چکاس ءِ نظام ءِ جھلک ءِ دیم ءَ آرگ بوتگ کہ آ شفاف ، موثر ءُ جہانی کوالٹی ءِ رد ءَ انت۔