معاون مزن وزیر اسحاق ڈار ءَ یورپی یونین ءِ نائب صدر ءَ گوں فون ءِ سرا گپ ءُ تران کتگ ، دمگی جاور ھالانی سرا گپ ءُ تران

اسلام آباد۔30اپریل  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ یورپی یونین ءِ نائب صدر ءُ مزن نمائندگ  کاجا کالس ءَ گوں فون ءِ سر ءَ گپ ءُ تران کت۔ پنچ شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ آھاں دمگی جاور ھال ءِ سر ءَ گپ ءُ تران کتگ ایشی ءِ تہ ءَ ایشی ءِ اقتصادی ءُ گیشیں آسر آنی سر ءَ گپ ءُ تران کتگ۔ یورپی یونین ءِ نائب صدر ءُ مزن نمائندہ ءَ دمگی امن ءُ ایمنی ءِ دیمروئی ءِ واستہ پاکستان ءِ برجاھیں تعمیری ءُ آسراتی ءِ کرد ءَ را ساڑات۔ نائب مزن وزیر ءَ اے درگت ءَ گپ ءُ تران ءُ رابطہ کاری ءَ را دیمروئی دیگ ءِ واستہ پاکستان ءِ برجاھیں جزم ءِ سر ءَ زور پر دات۔ آئی ءَ اسلام آباد ءَ یورپی یونین ءُ پاکستان بزنس فورم ءِ کامیاتیں برجم دارگ ءِ ھم ساڑات ءُ گوشت کہ اے فورم شریکداری ءَ را مھکم کنگ ءُ کاروباری موہ پیداک کنگ ءَ ھاسیں کرد پیلو کنت۔ دوئیں رہشوناں نزیکیں رابطہ ءِ تہا دارگ ءِ سرا تپاک کتگ۔