ایران ءِ سفیر ءَ وفاقی وزیر پٹرولیم ءَ گوں گند ءُ نند کت، دو نیمگی سیادی آنی بابت ءَ گپ ءُ تران

اسلام آباد۔30اپریل  (اے پی پی): وفاقی وزیر پٹرولیم علی پرویز ملک ءَ پاکستان ءَ ایران ءِ سفیر رضا امرائ مقدم ءَ گوں گند ءُ نند کت، ایشی ءِ ساھت ءَ دو نیمگی سیادی ءُ وت مہ وتی واھند ءِ جیڈھ آنی سر ءَ ھیال ءُ لیکہ درشان کت۔ پٹرولیم ڈویژن ءِ جارکش ءِ رد ءَ ایران ءِ سفیر ءَ پڑ ءَ امن ءُ ایمنی ءِ دیمروئی ءَ پاکستان ءِ حکومت ءُ الس ءِ جوڑیشت ءِ کرد ءِ سر ءَ منت واری درشان کتگ۔ آئی ءَ پاکستان ءِ سفارتی کوشست آں ساڑاتگ ءُ گوشت کہ دمگی امن ءِ واستہ پاکستان ءِ کوشست ارزشت دار انت۔ وفاقی وزیر ءَ تر ءُ تاب ءِ تفصیل آناں پیش کنان ءَ دمگی امن ءِ واستہ پاکستان ءِ عزم ءِ یک رندے پدا گوشت۔