مزن وزیر شہباز شریف ءَ وتی گس اسکیم ءِ یک شلی ءَ  بندات کتگ، 10 ملین کلدار ءَ تاں وام آسانیں شرتانی سر ءَ دست کپ ایت، اے اسلام آباد، چاریں صوبہ، گلگت بلتستان، آزات کشمیر ءَ کارمرد بیت، مراگش ءَ گوں  تران

اسلام آباد۔30اپریل  (اے پی پی): مزن وزیر محمد شہباز شریف ءَ ملک ءِ گریب ءُ میاں اوستمانی تبک ءِ واستہ ’’وزیر وتی گس اسکیم‘‘ ءِ باقاعدہ بندات کتگ وھدیکہ مزن وزیر ءَ گوشت کہ لس مردم ءَ را بام ءِ پجارینگ حکومت ءِ اولی ترجی انت۔ اے اسکیم ءِ رد ءَ 10 ملین کلدار ءَ تاں وام آسانیں شرت آنی سر ءَ رس ایت۔ اولی سال ءَ 50 ہزار لوگ ءِ ٹارگٹ ایر کنگ بوتگ ءُ آیوکیں چار سال ءَ 500 ہزار لوگ ءِ ٹارگٹ بیت۔ مارلا ءَ تاں لوگ جوڑ کنگ بوت کنت ءُ ایشی ءِ واستہ فنانسنگ حجم 3.2 کھرب کلدار بیت۔ قرضہ ءِ واپسی ءِ مدت 20 سال بیت۔ اولی 10 سال 5 درسد مارک اپ بیت ءُ دیمتر ءَ 10 سال ءِ مارک اپ مارکیٹ ءِ شرح ءِ رد ءَ بیت۔ سکیم وفاقی دارالحکومت اسلام آباد، چاریں صوبہ، گلگت بلتستان ءُ آزاد کشمیر ءَ کارمرز بیت۔ معیشت جوڑیشتی شوبگ ءِ وسیلہ ءَ دیم ءَ روان اِنت۔ حکومت برآمد کنوک دلبڈی کنگ ءَ انت ۔ سکیم ءِ سرا عمل درآمد ءِ سرا ہر ماہ چار ءُ تپاسی کنگ بیت۔ اے ھیالانی درشانی آئی ءَ پنچ شمبے ءِ روچ ءَ مزن وزیر ءِ وتی گس اسکیم ءِ بنگیج ءِ مراگش ءَ گشتانک دیان ءَ کت۔ مراگش ءِ تہ ءَ نائب مزن وزیر ءُ دری کارانی وزیر محمد اسحاق ڈار، وفاقی وزیر، پارلیمنٹ ءِ باسک ءُ ایندگر ھاسیں مردم آناں بھر زوری کت۔ مزن وزیر ءَ وتی گس اسکیم ءِ چیر دستی ءَ وام رستگیں سوبمندیں درخواست گزار آناں مبارکی دات۔ آئی ءَ گوشت کہ ’مزن وزیر وتی گس سکیم‘ ءِ بنگیج ءِ مراگش ءَ بھر زوری پارٹی ءِ واستہ مزنیں وشی ءِ گپ اِنت۔ مردماں لوگ ءِ پھجارینگ ھرچ سرکار ءُ ریاست ءِ فطری ءُ شرپ مندیں فرض اِنت۔ پاکستان ءِ 240 ملین آبادی ءَ چہ مزنیں کساسے چہ وتی بام ءَ زبھر اِنت۔ اے درگت ءَ مرچیگیں مراگش سک یاتگار اِنت۔ اے اسکیم ءِ بندات کنگ ءِ واستہ بازیں محنت کنگ بوتگ ءُ بازیں جیڑہ ءُ جنجالانی دیمپانی بوتگ بلے پرائیویٹ سیکٹر ءِ شور ءُ سلاھ ءُ اے دگہ سیادی داروکیں مردم ءُ واکدارانی کمک ءَ گوں گیش ءُ گیوار کنگ بوتگ۔ مزن وزیر ءَ گوشت کہ اللہ تعالیٰ ءَ یک ورنائیں ڈرائیور غلام حسن ءَ را ھم وتی گس ءِ جوڑ کنگ ءِ موہ داتگ ءُ آئی ءَ را وام ھم رستگ۔ آزات کشمیر ءُ خیبر پختونخوا ءِ الس ھم سیت مندیں مردمانی تہ ءَ ھوار اَنت ۔ اے اسکیم وفاقی دارالحکومت اسلام آباد، گلگت بلتستان ءُ آزاد کشمیر ءَ ھوار چاریں صوبگ آنی تہ ءَ کارمرد کنگ بیت۔ مزن وزیر ءَ گوشت کہ ’’گھار ہو تو آپنا‘‘ ھما منصوبگ ءِ تسلسل اِنت کہ من پنجاب ءَ چہ بندات کتگ ءُ ایشی ءِ نام اشار گیس بوتگ ءُ ایشی ءِ موثر بندات ءِ نشانی بوتگ ءُ جتا جتائیں جاھاں اے منصوبگ ءِ سنگ ایر کنگ بوتگ ءُ کلید الس ءِ دست ءَ دیگ بوتگ۔ مزن وزیر ءَ گوشت کہ اے سکیم ءِ رد ءَ اولی سال ءَ 50 ہزار گس آنی ٹارگٹ ایر کنگ بوتگ ایشی ءِ واستہ 321ارب کلدار ایر کنگ بوتگ۔ من وفاقی وزیر خزانہ، وفاقی ہاؤسنگ وزیر ءُ اسٹاٹا بینک ءِ گورنر ءِ منت ءَ گِراں کہ آہاں سرجمیں کمک ءُ کمک کتگ۔ آؤکیں چار سالانی تہا مئے ٹارگٹ 5لکھ لوگ بنت۔ اے اسکیم ءِ رد ءَ 10مارلا ءَ تاں لوگ جوڑ کنگ بوت کنت ءُ ایشی ءِ واستہ فنانسنگ ءِ کساس 3.2 کھرب کلدار بیت۔ مزن وزیر ئَ گوشت کہ اسکیم ئِ سر ئَ ھمک ماہ چار ئُُ تپاسی کناں تانکہ اگاں اڑاند ئِے است گڈا ایشی ئَ را دور کنگ بہ بیت ئُُ وھد ئِ سر ئَ ادائیگی کنگ بہ بنت۔ مزن وزیر ءَ وتی گس اسکیم ءِ چیر دستی ءَ وام زورگ ءِ کارروائی آسان کتگ ۔ قرضہ ءِ واپسی ءِ مدت 20 سال بیت۔ اولی 10 سال 5 درسد ءَ تاں نشان کنگ بیت ءُ آیوکیں 10 سال مارکیٹ ءِ شرح ءِ رد ءَ بیت۔ یک کروڑ کلدار ءَ تاں وام زورگ بوت کنت۔ سروسز دیوکیں بینک آناں 14اگست ءَ راجی ایوارڈ دیگ بیت ءُ اے درگت ءَ لاپرواہی ءِ درشان کنوک آناں ھچ وڑیں مراعات دیگ نہ بیت۔ مزن وزیر ءَ گوشت کہ آیوکیں بجٹ ءِ تہ ءَ ھم جتا جتائیں اسکیم ھوار کنگ بنت۔ معیشت دیمروئی ءِ شوبگ ءِ سرا چل ایت، بازیں شوبگ ایشی ءَ گوں بندوک انت، ایشی ءَ چہ مئے صنعت ءُ دستکاری دیمروئی بیت ءُ الس ءَ را روزگار ءِ موہ رسیت۔ مزن وزیر ءَ گوشت کہ حکومت برآمد کنوک آنی دلبڈی کنگ ءَ انت، لھتیں ماہ پیسر ملک ءِ مزنیں برآمد کنوک آنی نیام ءَ ٹرافی بھر ءُ بانگ کنگ بوتگ ءُ آھاں ملک ءِ جنرل ٹریول پرمٹ ھم دیگ بوتگ وھدیکہ آوانی واستہ 2سالی پاسپورٹ ھم جاڑی کنگ بوتگ۔ مراگش ءَ گوں گشتانک دیان ءَ وفاقی وزیر ھاوسنگ ءُ شہری دیمروئی ریاض حسن پریزادہ ءَ گوشت کہ یک سال ءِ بے مٹیں کار ءَ پد مزن وزیر وتی گس اسکیم ءِ بنگیج ءَ کنگ ءَ انت۔ اے سرکار ءِ نیمگ ءَ چہ داتگیں سوگات اِنت پہ ھما مردماں کہ وتی لوگ ءَ وت جوڑ کنگ لوٹ اَنت۔ سکیم ءِ بنگیج ءَ مزن وزیر ءِ ھاسیں دلچسپی مئے واستہ چراگ ءِ چراگ اِنت۔ وتی گس سکیم ءِ سوبمندیں بندات ءِ تہ ءَ مزن وزیر ءِ بے مٹیں کار ستا کرز انت۔ نائب مزن وزیر ءُ وزیر خزانہ ءَ سکیم ءِ واستہ سمتل کابینہ ءِ درستیں باسک آنی سرجمیں کمک کتگ۔ مردم سکیم ءَ چہ باوقار ءُ ایمنیں لوگ ءَ چہ وشھال بنت۔ مراگش ءِ تہ ءَ مزن وزیر ءَ وتی گس سکیم ءِ باقاعدہ ریشن ءِ بندات کت۔ اے موہ ءِ سر ءَ مزن وزیر ءَ وتی گس سکیم ءِ چیر دستی ءَ اہل مردم آنی نیام ءَ جتا جتائیں بینک آنی چیک ھم بھر ءُ بانگ کتگ۔\932