ما پولیو ءِ ٹوھیں نادراہی ءَ را زوتاں چہ زوت ملک ءَ چہ سرجمی ءَ ھلاس کنگ ءِ واستہ جزمیں، ایشی ءِ ھلاپ ءَ جنگ یک چیلنج اِنت کہ ایشی ءِ واستہ ما ھمک وڑیں گامگیج چست کن آں، مزن وزیر محمد شہباز شریف یونیسیف ءِ ڈل ءَ گوں گپ ءُ تران

اسلام آباد۔30اپریل  (اے پی پی):  مزن وزیر محمد شہباز شریف ءَ پولیو ءِ ھلاپ ءَ جنگ ءَ را اولی ترجی ءِ جار جنگ ءِ وھد ءَ گوشت کہ ما اے ٹوھیں نادراھی ءَ را زوتاں چہ زوت ملک ءَ چہ سرجمی ءَ ھلاس کنگ ءِ واستہ جزم آں، لیڈ ءِ ھلاپ ءَ جنگ یک انچیں چیلنج اِنت کہ ایشی ءِ واستہ ما ھرچ وڑیں گامگیج چست کن ایں ۔ اے ھیالانی درشانی آئی ءَ یونیسیف ءِ ڈل ءَ گوں تران کنان ءَ کت۔ ڈل ءِ سروکی ءَ پاکستان ءَ یونیسیف ءِ نمائندہ پرنیلا آئرن سائیڈ ءَ کتگ ات، پولیو ءِ گر ءُ دار ءِ سیکرٹریٹ ءِ ڈائریکٹر عبداللہ فاضل، سٹینفورڈ یونیورسٹی اسکول آف میڈیسن ءِ جنرل فورسائیتھ ءُ تھامس ہرڈ ڈل ءِ تہا ہوار اتنت۔ گند ءُ نند ءَ وفاقی وزیر احسن اقبال، مصطفیٰ کمال ءُ عائشہ رضا فاروق ءَ ابید سیادی داروکیں مزنیں حکام ءَ شریک بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ڈل ءِ پاکستان ءَ آیگ ءَ را وش اتک کتگ۔ مزن وزیر ءَ گوشت کہ حکومت اولی ترجی ءِ بنیات ءِ سر ءَ راجی زھگ آنی آیوکیں باندات ءِ رکھینگ ءِ واستہ گامگیج کنگ ءَ انت۔ آئی ءَ گوشت کہ پاکستان پولیو ءِ ھلاسی ءَ را وتی اولی ترجی لیک ایت ءُ انشاء اللہ ما اے ٹوھیں نادراھی ءَ را زوت ملک ءَ چہ سرجمی ءَ ھلاس کنگ ءِ واستہ جزمیگ آں ۔ پولیو ءِ اثرات ءِ سبب ءَ زھگانی تہا ذہنی ءُ جسمانی دیمروئی ءِ جیڑہ پیداک بنت ءُ اے یک انچیں جیڑہے کہ ما ایشی ءِ سرا غالب بوھگ ءِ ھاترا ھرچ وڑیں گامگیج چست کنیں۔ آئی ءَ گوشت کہ حکومت وتی میاں اوستمانی شریک آنی کمک ءَ پولیو ءِ اثر آناں گر ءُ دار کنگ ءِ واستہ گامگیج کنگ ءِ واستہ جزمیگ انت۔ ڈل ءِ بھر زوروکاں مزن وزیر ءِ شگر ءُ منت گپت ءُ دیوان ءَ مزن وزیر ءِ گْوستگیں پاکستان ءِ تر ءُ تاب ءِ ساھت ءَ کنگ بوتگیں سروے ءِ بابت ءَ سرپد کت۔ ڈل ءَ مزن وزیر ءِ دور ءَ استیں حکومت ءِ نیمگ ءَ زھگاں پولیو ءَ گوں سیادی داروکیں نادراھی آنی چہ رکھینگ ءِ واستہ چست کتگیں گامگیج آناں توسیپ کت ءُ گوشت کہ پاکستان ءَ زھگ آنی نادراھی آنی چہ رکھینگ ءُ آھانی دیمروئی ءِ ھترہ آناں گر ءُ دار کنگ ءِ واستہ چست کتگیں گامگیج آناں گندگ ءَ وشی بوتگ۔ شریکیں مردماں اے ھیال ءِ درشانی کت کہ مزن وزیر ءِ چیر دستی ءَ حکومت جان سلامتی، وانگ ءُ زانگ، ورنا آنی دیمروئی ءُ آئی ٹی ءِ شوبگ ءَ ھاسیں گامگیج کنگ ءَ انت۔ ڈل ءَ مزن وزیر ءَ را جان سلامتی ءِ سر ءَ خسرہ ءِ نادراھی ءِ تاوان ءِ ھوالگ ءَ سرپد کت ءُ پاکستان ءَ ایشی ءِ شنگ ءُ تالان بوھگ ءِ دمگ آنی پجار کت۔ ھواریں مردماں لس مھلوک ءِ تہ ءَ ھشکیں نادراھی ءِ تاوانانی بابت ءَ سرپدی پیداک کنگ ءِ سر ءَ ھم زور پر دات۔