جہانی جیو پولیٹیکل ءُ چاگردی ءُ اقتصادی جاور ھال ءِ باوجود کلیدی اقتصادی اشاریہ مستحکم انت، سپلائی چین ءِ تہ ءَ برجاھیں رکاوٹانی سبب ءَ اپریل ءِ واستہ افراط زر ءِ شرح 8 ءَ چہ 9 درسد ءِ تہ ءَ مانیت، وفاقی وزارت خزانہ

اسلام آباد۔30اپریل  (اے پی پی): وفاقی وزارت خزانہ ءَ گوشت کہ برجاھیں جھان ءِ جیو پولیٹیکل ءُ چاگردی ءُ اقتصادی جاور ھال آنی باوجود کلیدی اقتصادی اشارہ آنی تہ ءَ مھکم انت، سپلائی چین ءِ تہ ءَ برجاھیں رکاوٹ آنی سبب ءَ اپریل 2026 ءِ واستہ افراط زر ءِ شرح 8 ءَ چہ 9درسد ءِ تہ ءَ مانیت۔ اے گپ وزارت مالیات ءِ نیمگ ءَ چہ شنگ بوتگیں ماہانہ اقتصادی اپ ڈیٹ رپورٹ ءَ گشگ بوتگ۔ رپورٹ ءِ رد ءَ رواں مالی سال ءِ تہ ءَ مزنیں صنعت آنی تہ ءَ دیمروئی ءِ شرح برجم دارگ بوتگ کہ ایشی ءَ را مزنیں کچ ءُ کساس ءَ جوڑیشت ءِ تہ ءَ آٹوموبائل ءِ شوبگ ءِ دیمروئی ءُ سیمنٹ ءِ گیشیں کارمرد ءَ گندگ بیت کہ ایشی ءَ چہ ملکی لوٹ ءُ گزر ءِ تہ ءَ گہتری ءِ نشانی اِنت۔ رپورٹ ئَ گوشت کہ اے رفتار ئَ اقتصادی سرگرمی ئِ مھکم بوھگ ئِ گمان اِنت۔ رپورٹ ءِ تہ ءَ پیش گوئی کنگ بوتگ کہ سپلائی چین ءِ تہ ءَ جاری رکاوٹ آنی رد ءَ اپریل 2026 ءَ تاں افراط زر 8.0 ءَ چہ 9.0 درسد ءِ تہ ءَ مانیت۔ میاں اوستمانی تک ءَ یک ممکنہ جنگ ءِ سبب ءَ پیداکیں خطرات آنی باوجود ، عالمی اشیاءِ نرخ آنی تہ ءَ گیشی ءُ سپلائی چین ءِ تہ ءَ رکاوٹ آنی باوجود مالیاتی شوبگ ءِ تہ ءَ لچکدار بوھگ ءِ گمان اِنت، ایشی ءِ تہ ءَ مھکمیں برآمدات ءُ آئی ٹی ءِ کمک ھوار اِنت۔ سرجمی ءَ معیشت یک مھکمیں بنیاد ءِ سر ءَ گندگ ءَ کیت ءُ وتی دیمروئی ءِ رفتار ءَ را برجاہ دارگ ءِ واستہ جوانیں جاہ ءَ انت، ایشی ءِ کمک ءَ یک مستحکمیں معیشت ءُ ممکنہ منفی اثرات ءَ را کم کنگ ءِ واستہ بروقت ءُ موثر پالیسی گامگیج آنی کمک ءَ کنگ بیت۔ اکنامک اپ ڈیٹ ءِ رپورٹ ءِ رد ءَ رواں مالی سال ءِ اولی 9ماہ آنی تہ ءَ زرّ ءِ دیم دیگ ءِ کساس 30.3ارب ڈالر ءِ ریکارڈ ءَ سر بوتگ کہ گوستگیں مالی سال ءِ ھمے وھد ءَ 28ارب ڈالر بوتگ۔ 8.2 درسد گیش، اے وھد ءِ تہ ءَ برآمدات ءِ حجم 23.3 ارب ڈالر بوتگ، کہ گوستگیں مالی سال ءِ ھمے وھد ءِ تہ ءَ 24.7 ارب ڈالر ءَ چہ 25.8 درسد کم اِنت، مالی سال ءِ اولی 9 ماہ آنی تہ ءَ درآمدات ءِ سر ءَ 46.8 ارب ڈالر ھرچ کنگ بوتگ، کہ مالی سال ءِ تہ ءَ 7.9 ارب ڈالر ءِ ھرچ اِنت۔ سال ءِ تہ ءَ رواں مالی سال ءِ اولی 9 ماہ ءَ رواں اکاؤنٹس ءِ بیلنس 174 ملین ڈالر سرپلس بیت۔ مالی سال ءِ اولی 9 ماہانی تہ ءَ کرنٹ اکاؤنٹس ءِ بیلنس 174ملین ڈالر سرپلس بوتگ کہ گوستگیں مالی سال ءِ ھمے وھد ءَ 1.755ارب ڈالر بوتگ، مارچ ءَ کرنٹ اکاؤنٹس ءِ تہ ءَ 1.070ارب ڈالر سرپلس ریکارڈ کنگ بوتگ کہ فروری ءَ 231ملین ڈالر سرپلس بوتگ۔ ءُ گوستگیں سال ءِ مارچ ءَ 1.276 ارب ڈالر ءِ سرپلس بوتگ۔ مالی سال ءِ اولی 9 ماہ آنی تہ ءَ بنجاہی بیلنس 6.331ارب ڈالر ریکارڈ کنگ بوتگ کہ گوستگیں مالی سال ءِ ھمے وھد ءِ 6.829ارب ڈالر ءَ چہ 7درسد کم اِنت۔ مارچ ءَ بنجاہی خسارہ 607 ملین ڈالر ءِ سرا ریکارڈ کنگ بوتگ۔ مالی سال ءِ اولی 9ماہ آنی تہ ءَ 1.354ارب ڈالر ءِ براہ راست درملکی سرمایہ کاری ریکارڈ کنگ بوتگ کہ گوستگیں مالی سال ءِ ھمے وھد ءِ 1.856ارب ڈالر ءِ چہ 27درسد کم اِنت۔ اپریل 2026 ءَ ملک ءِ کلیں زرّ ءِ ذخیرہ 20.6ارب ڈالر بوتگ کہ اے ریکارڈ ءِ کساس اِنت کہ گوستگیں سال ءِ 18 اپریل ءَ 15.4ارب ڈالر بوتگ۔ اپریل 2026 ءَ سود ءِ شرح 278.8 روپیہ بوتگ۔ گوستگیں سال ءِ 29 اپریل ءَ ریکارڈ 281کروڑ کلدار بوتگ۔ اعداد و شمار ءِ رد ءَ مالی سال ءِ اولی 9ماہ آنی تہ ءَ ایف بی آر ءِ آمدنی 9.305کرب کلدار بوتگ کہ گوستگیں مالی سال ءِ ھمے وھد ءِ تہ ءَ 8.453کرب کلدار ءِ آمدنی ءَ چہ 10.1درسد گیش اِنت۔ ایف بی آر ءِ غیر ٹیکس ءِ آمدنی ءِ کساس 4.225کرب کلدار بوتگ کہ گوستگیں مالی سال ءِ ہمے وھد ءِ 3.921کرب کلدار ءَ چہ 7.7درسد گیش اِنت۔ مالی سال ءِ اولی 8ماہ آنی تہ ءَ زرعی شوبگ ءَ را داتگیں وام آنی کساس ریکارڈ 1.892 ٹریلین کلدار بوتگ کہ گوستگیں مالی سال ءِ ھمے وھد ءِ 1.654 ٹریلین کلدار ءَ چہ 14.4درسد گیش اِنت۔ یکم جولائی 2025 ءَ چہ 3 اپریل 2026ءَ تاں وھد ءِ تہ ءَ نجی شوبگ ءَ را داتگیں وام آنی کساس ریکارڈ 864.1ارب کلدار ءَ سر بوتگ کہ گوستگیں مالی سال ءِ ھمے وھد ءَ 664.9ارب کلدار بوتگ۔ اپریل ءَ سود ءِ شرح 11.5 درسد بوتگ کہ گوستگیں سال ءِ 6 مئی ءَ 11 درسد بوتگ۔ اعداد و شمار ءِ رد ءَ مالی سال ءِ اولی 9ماہ آنی تہ ءَ کنزیومر پرائس انڈیکس 7.3درسد بوتگ کہ گوستگیں مالی سال ءِ ھمے وھد ءِ تہ ءَ 0.7درسد بوتگ۔ مالی سال ءِ اولی 8ماہ آنی تہ ءَ مزنیں صنعت آنی شرح 5.9درسد بوتگ۔ اعداد و شمار ءِ رد ءَ اسٹاک مارکیٹ ءَ سرجمیں رنگ ءَ گہتری گندگ بوتگ۔ اپریل 2026 ءَ پاکستان اسٹاک ایکسچینج ءِ 100 انڈیکس ءَ 165823 پوائنٹ ءِ ریکارڈ ریکارڈ کتگ کہ گوستگیں سال ءِ 29 اپریل ءَ 114872 پوائنٹ بوتگ۔ اسٹاک ایکسچینج ءِ تہ ءَ دیمروئی ءِ شرح 44.3درسد بوتگ۔ مارکیٹ کیپیٹلائزیشن ءَ پاکستانی کرنسی ءِ رد ءَ 35.8درسد ءُ امارات ءِ ڈالر ءِ رد ءَ 36.9درسد ءِ شرح ءِ گیشی بوتگ۔ نوکیں کمپنیانی رجسٹریشن 22.7 درسد ءِ شرح ءَ گیش بوتگ۔