نائب مزن وزیر اسحاق ڈار  ءِ سروکی ءَ میڈیکل، دندان سازی ءُ ایندگہ طب ءِ ھوالگ ءَ وانگ ءُ زانگ ءِ ادارگ آنی منظوری ءِ ھوالگ ءَ دیوان

اسلام آباد۔30اپریل  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ پنچ شمبے ءِ روچ ءَ میڈیکل، دندان سازی ءُ ایندگہ دوا ءِ ھوالگ ءَ وانگ ءُ زانگ ءِ ادارگ آنی منظوری ءِ ھوالگ ءَ دیوان ءِ سروکی ءَ کت۔ درئی کارانی کارگس ءِ نیمگ ءَ جاڑی بوتگیں ایجنڈا ءِ رد ءَ دیوان ءَ استیں ریگولیٹری فریم ورک ءِ سر ءَ چار ءُ تپاسی کنگ بیت ءُ طبی وانگ ءُ زانگ ءِ ادارگ آنی تہ ءَ وانگ ءُ زانگ ءِ شفافیت، معیاری کنگ ءُ کوالٹی ءَ را گہتر کنگ ءِ واستہ گامگیج آنی سر ءَ ھیال ءُ لیکہ آنی مٹ ءُ بدلی کنگ بیت۔ نائب مزن وزیر ءَ اعتبار ءِ عمل ءَ را گیش مھکم کنگ ءُ میاں اوستمانی جوانیں کارروائی آنی گوما ھمگرنچ کنگ ءِ سر ءَ زور پر دات۔ اے گپ ءِ سر ءَ تپاک کنگ بوت کہ وزارت جان سلامتی ءُ اے دگہ سیادی داروکیں ادارگ آنی سفارش آنی رسگ ءَ پد آیوکیں ھپتگ ءَ دیوان دوبر گوانک جنگ بیت تانکہ مشاورت ءِ عمل برجاہ بہ بیت۔ گند ءُ نند ءَ موسمیاتی مٹ ءُ بدلی ءُ راجی جان سلامتی ءِ وفاقی وزیر، مزن وزیر ءِ ھاسیں کمکار طارق باجوہ، سیکرٹری راجی جان سلامتی ءُ سیادی داروکیں وزارت آنی ایندگر مزنیں کارندہ آں بھر زوری کت۔