چہ اوگانستان ءَ چہ جنوبی وزیرستان ءَ بے سوبیں تیرگواری ءُ توپان ءِ سبب ءَ زالبول ءُ زھگاں ھوار بازیں مردم ٹپیگ بوتگ اَنت، درئی کارانی کارگس ءِ جارکش

اسلام آباد۔30اپریل  (اے پی پی): دری کارانی کارگس ءِ جارکش طاہر حسنت اندرابی ءَ گشتگ کہ 26 ءُ 29 اپریل ءَ اوگانستان ءَ چہ جنوبی وزیرستان ءَ بے سوبیں تیرگواری ءُ توپان کنگ بوتگ کہ ایشی ءِ تہ ءَ زالبول ءُ زھگاں ھوار بازیں مردم ٹپیگ بوتگ اَنت ءُ نندوکیں لوگ آناں تاوان رستگ۔ پنچ شمبے ءِ روچ ءَ ادا یک ھپتگی پریس بریفنگ ءِ تہ ءَ آئی ءَ اوگانستان ءِ گوما میاں اوستمانی سیمسر ءَ چہ رستگیں سک باز پریشان کنوکیں ھال آنی نیمگ ءَ دلگوش گور کت ءُ گوشت کہ گوستگیں وھد ءَ ھم اے دمگ ءَ سیم سر ءَ تیرگواری ءُ توپان ءِ وئیل بوتگ اَنت۔ ترجمان ءَ گشتگ کہ 26 ءُ 29 اپریل ءَ ضلع بنو ءَ گوں ہمگرنچیں جنوبی وزیرستان ءِ سیمسر ءِ دمگاں اوگان فورسز ءِ نیمگ ءَ بے سوبیں تیر گواری ءُ توپان کنگ بوتگ کہ ایشی ءَ چہ شہری آبادی نشانگ جوڑ کنگ بوتگ۔ آئی ءَ گْوشتگ: اے وئیلانی آسر ءَ بازیں مردم ٹپیگ بوتگ اَنت ءُ بازیں لوگاں تاوان رستگ کہ ایشانی تہ ءَ جنین ءُ کسان سالیں چُک ھم ھوار اَنت۔ ترجمان ءَ گشتگ کہ دمگی قبائلی پیرین ءُ مہلوک ءَ اے وئیلانی سرا سکیں جیڑہ ءِ درشان کنان ءَ سرحد ءِ سرا تیر گواری ءُ توپان ءِ سرا سک باز مذمت کتگ ءُ لوٹ کتگ کہ اے زوت بند کنگ بہ بیت۔ آئی ءَ گوشت کہ اے دمگ ءَ پیسر ءَ ھم ھمے رنگیں وئیل بوتگ کہ ایشی ءِ تہ ءَ لس مردم ٹپیگ بوتگ اَنت۔ ترجمان ءَ اے اُرشانی سک باز مذمت کتگ ءُ آماچیں ھانداناں گوں دل ءِ جہلانکی ءَ ھمدردی ءُ یکوئی ءِ درشانی کتگ۔ آئی ءَ گوشت کہ تاوان دیوکیں مردمانی کمک ءِ واستہ ھمک رنگ ءِ گامگیج کنگ بوھگ ءَ انت۔ جارکش ءَ گوشت کہ دمگی آبادی ءِ ایمنی ءَ را دل یکیمی کنگ ءُ اے رنگیں وئیل آنی گر ءُ دار ءِ واستہ کوشست بوھگ ءَ انت۔