وزارت داخلہ ءِ رد ءَ نارمل پاسپورٹ ءِ ڈیلیوری ءِ وھد 21 روچ ءَ چہ 14 روچ ءَ کم کنگ بوتگ

اسلام آباد۔30اپریل  (اے پی پی): نارمل پاسپورٹ ءِ دیم دیگ ءِ وھد 21روچ ءَ چہ کم کنگ بوتگ ءُ 14روچ کنگ بوتگ۔ پنچ شمبے ءِ روچ ءَ وزارت داخلہ ءِ نیمگ ءَ جاڑی بوتگیں بیان ءِ رد ءَ وفاقی وزیر داخلہ محسن نقوی ءُ وزیر مملکت طلال چوہدری ءِ سروکی ءَ دیوان ءَ شہری آنی آسراتی ءِ واستہ مزنیں پیسلہ کنگ بوتگ۔ تہی کارانی وزیر محسن نقوی ءَ گوشت کہ نارمل پاسپورٹ 21روچ ءَ چہ کم کنگ بوتگ، وھدیکہ پاسپورٹ کارگس آنی تہ ءَ سرجمیں کیش لیس سسٹم جوڑ کنگ بیت۔ وزیر داخلہ محسن نقوی ءَ کاروباری پاسپورٹ جاری کنگ ءِ نظام ءَ را زوت گڈی رنگ ءَ جوڑ کنگ ءِ ہدایت کتگ۔ گند ءُ نند ءَ درگت ءَ پاسپورٹ سر کنگ ءِ نظام ءَ را گیش موثر جوڑ کنگ ءِ بابت ءَ ھیال ریچی کنگ بوت۔ وزیر داخلہ ءَ پاسپورٹ کارگس آنی تہ ءَ 15 روچ ءِ واستہ سرجمیں کیش لیس سسٹم ءِ بندات کنگ ءِ ذمہ واری داتگ۔ وزیر داخلہ محسن نقوی ءَ گوشت کہ کیش لیس ادائیگی ھلاس کنگ ءَ چہ ایجنٹ فراڈ ھلاس بیت ءُ شہری آناں آسراتی رس ایت۔ وزیر داخلہ محسن نقوی ءَ کاروباری پاسپورٹ ءِ جاری ءِ ھوالگ ءَ جیڈھ آنی سر ءَ ترند کنگ ءِ ہدایت کتگ۔ وزیر داخلہ محسن نقوی ءَ گوشت کہ پاسپورٹ ءِ نظام ءِ گہتری ءُ الس ءِ آسراتی ءِ واستہ پاسپورٹ اتھارٹی ءِ کرد سک باز المی انت۔ بریفنگ ءِ تہ ءَ ھال دیگ بوتگ کہ پیسر ءَ نارمل پاسپورٹ 21 روچ ءِ تہ ءَ جاری کنگ بوتگ اَنت وھدے کہ نوں 14روچ ءِ تہ ءَ جاری کنگ بنت۔ دیوان ءَ وفاقی سیکرٹری ہوم، ڈی جی پاسپورٹ ءُ امیگریشن ءُ سیادی داروکیں کارندہ آں بہر زرتگ۔