وفاقی وزیر پروفیسر احسن اقبال  ءَ گوں  کے الیکٹرک ءِ چیئرمین شہریار چشتی ءِ  گند ءُ نند

اسلام آباد۔29اپریل  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ چار شمبے ءِ روچ ءَ کے الیکٹرک ءِ چیئرمین شہریار چشتی ءَ گوں گند ءُ نند کت ءُ پاکستان ءِ توانائی ءِ شوبگ ءِ دیم ءَ استیں چیلنج، آیوکیں لوٹ ءُ دیمروئی ءِ واستہ مزنیں موہ آنی سر ءَ سرجمی ءَ گپ ءُ تران کت۔ گند ءُ نند ءِ ساھت ءَ پاکستان ءِ اقتصادی دیمروئی ءِ واستہ بے دروریں توانائی، بنیاتی ڈھانچگ ءِ تہ ءَ سرمایہ کاری ءِ امکانات ءُ پائیدار دیمروئی ءِ واستہ نوکیں راہ آنی سر ءَ چار ءُ تپاسی کنگ بوت۔ اے موہ ءِ سر ءَ برآمدات ءَ را گیش کنگ، صنعتی پیمانہ ءَ را مھکم کنگ ءُ اقتصادی اثر آناں گیش موثر جوڑ کنگ ءِ ھوالگ ءَ ھم ھاسیں گپ ءُ تران کنگ بوت۔ فریقین ءَ آیوکیں اقتصادی حکمت عملی ءِ ھاسیں جز آنی رنگ ءَ ساپیں نقل و حرکت، توانائی ءِ ٹرانزیشن ءُ چاگرد دوستیں حل آناں بیان کتگ۔ اے موہ ءِ سر ءَ اے گپ ءِ سر ءَ زور پر دیگ بوت کہ پاکستان ءِ اقتصادی دیمروئی، سرمایہ کاری ءُ وشھالی ءِ اصل ریڑھ ءِ ھڈ انت پرائیویٹ سیکٹر ءُ بزنس کمیونٹی انت۔