وفاقی وزیر جام کمال خان ءَ تاجکستان ءِ سفیر شریف زادہ یوسف توئر   ءَ گوں گند ءُ نند کتگ، بیپار ءُ ٹرانزٹ کمک ءَ را گیش کنگ ءِ سر ءَ تپاک

اسلام آباد۔29اپریل  (اے پی پی): وفاقی وزیر تجارت جام کمال خان ءَ تاجکستان ءِ سفیر شریف زادہ یوسف توئر    ءَ گوں گند ءُ نند کت۔ گند ءُ نند ءَ پاکستان ءُ تاجکستان ءِ نیام ءَ بیپار ءُ ٹرانزٹ کمک ءَ را گیش کنگ ءِ سر ءَ تپاک کنگ بوت، وھدیکہ دو نیمگی بیپار ءَ را دیمروئی دیگ ءُ دمگی سیادی ءَ را مھکم کنگ ءِ سر ءَ ھم گپ ءُ تران کنگ بوت۔ وفاقی وزیر تجارت ءَ دمگی تجارت ءِ دیمروئی ءِ آسراتی ءِ واستہ وتی جزم ءِ درشان کت ءُ یکجاھیں تجارت ءِ راہداری ءِ جوڑ کنگ ءِ ارزشت ءِ سر ءَ زور پر دات۔ رسد ءِ مرکز ءُ جدید ٹرانسپورٹ ءِ نظام ءَ چہ خطہ ءَ سیادی گیش مھکم بنت۔ آئی ءَ نجی شعبہ ءِ سیادی ءَ را دیمروئی دیگ ءِ واستہ کاروباری فورم ءِ برجائی ءِ تجویز داتگ۔ جام کمال خان ءَ چین ءِ گوما کمک ءَ را دمگی سیادی ءِ واستہ المی لیک اتگ ءُ بازیں تجارتی راہ آناں فعال دارگ ءِ ضلورت ءِ سر ءَ زور پر داتگ۔ آئی ءَ برآمد ءُ درآمد ءِ ادارگ آنی نیام ءَ براہ راست رابطہ ءِ ھم تجویز داتگ۔ تاجکستان ءِ سفیر ءَ پاکستان ءِ دمگی رابطہ ءِ گامگیج آناں ساڑات۔ تاجکستان ءَ چہ ارزان ءُ معتبریں ٹرانزٹ روٹ آنی ارزشت ءِ سر ءَ گپ ءُ تران کنگ بوت۔ آہاں گوشت کہ تاجکستان ءِ سرپلس انرجی ءَ را پاکستان ءَ برآمد کنگ بوت کنت۔ آہاں گوشت کہ دوئیں ملک آنی نیام ءَ ایلومینیم ءِ تجارت ءُ صنعتی کمک ءِ موہ است انت۔ ایشاں مشترکہ اقتصادی کمیشن ءِ پلیٹ فارم ءَ کارآمد جوڑ کنگ ءِ سرا تپاک کتگ ءُ پاکستان ءُ تاجکستان ءِ نیام ءَ نزیکیں رابطہ ءِ برجائی ءِ واستہ وتی جزم ءِ درشان کتگ۔