مزن وزیر شہباز شریف ءَ گوں وفاقی وزیر محمد حنیف عباسی ءِ گند ءُ نند کتگ، ریلوے ءِ ھوالگ ءَ جیڈھ ءُ برجاھیں دیمروئی منصوبگ آنی بابت ءَ  بریفنگ

اسلام آباد۔29اپریل  (اے پی پی): مزن وزیر محمد شہباز شریف ءَ پاکستان ریلوے ءَ سرکاری آسراتی ءُ ایمنیں سفر ءَ را دل یکیمی کنگ ءِ ھوار ریلوے ءَ مال بر داری ءِ سروسز ءَ گیش کارآمد کنگ ءِ سر ءَ زور پر دات۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ریلوے ءِ وفاقی وزیر محمد حنیف عباسی ءَ چار شمبے ءِ روچ ءَ مزن وزیر محمد شہباز شریف ءَ گوں گند ءُ نند کت۔ محمد حنیف عباسی ءَ مزن وزیر ءَ را ریلوے ءِ ھوالگ ءَ جیڈھ ءُ جاری دیمروئی منصوبگ آنی بابت ءَ سرپد کت۔ مزن وزیر ءَ پاکستان ریلوے ءَ سرکاری آسراتی ءُ ایمنیں سفر ءَ را دل یکیمی کنگ ءِ ھوار مال باری ءِ سروسز ءَ را گیش جوانیں رنگ ءَ جوڑ کنگ ءِ ارزشت ءِ سر ءَ زور پر دات۔ مزن وزیر ءَ مسافر آنی آسراتی ءِ واستہ ریلوے ءِ نیمگ ءَ چست کتگیں گامگیج آنی سر ءَ دل یکیمی ءِ درشان کت۔ گند ءُ نند ءَ وت مہ وتی دلچسپی ءِ ایندگہ جیڈھ آنی سر ءَ ھم ھیال ریچی کنگ بوت۔