میاں اوستمانی امن ءِ واستہ کوشست برجاہ انت، جنگ ءَ اقتصادی بحالی ءِ واستہ کوشستاں سک باز تاوان داتگ، ما مشکلیں وھد ءَ چہ یک شنگ ءُ شانگ ءِ گوما درکپیں، مزن وزیر شہباز شریف وفاقی کابینہ ءِ دیوان ءَ گوں تران

اسلام آباد۔29اپریل  (اے پی پی): مزن وزیر محمد شہباز شریف ءَ گوشت کہ پاکستان ءَ میاں اوستمانی تک ءَ جنگ بندی ءُ دائمی امن ءِ واستہ مُدام کوشست کتگ ۔ کہ انگت ءَ برجاہ اِنت، مئے اقتصادی دیمروئی ءِ سفر جنگ ءِ سبب ءَ بند بیت، پٹرولیم ءِ صنعت آسمان ءَ گوں گپ ءَ اِنت، جیڑہ چو کوہانی وڑا دیم ءَ اوشتاتگ اَنت، بلے ما چہ گرانیں وھداں گوں یک شنگ ءُ تالانے ءَ درکپیں، سعودی عرب ءِ کمک ءَ گوں یک ءُ نیم ارب ڈالر ءِ براؤنی وام ءِ تسلسل ءِ ردوم دیگ بوتگ۔ چار شمبے ءِ روچ ءَ ادا وفاقی کابینہ ءِ دیوان ءَ گوں گشتانک دیان ءَ مزن وزیر ءَ کابینہ ءِ باسک آناں دل یکیمی دات کہ گوستگیں ہفتگ آنی تہ ءَ ھاسیں وئیل بوتگ انت۔ امریکہ ءُ ایران ءِ نیام ءَ گپ ءُ تران ءِ دراجیں سلسلہ کہ پاکستان ءَ 11 اپریل ءِ شپ ءَ بندات کتگ ات 21 کلاک ءَ برجاہ بوتگ ات۔ اے یک گرانیں کارے ات کہ ایشی ءِ ھاترا بے دروریں جھد کنگ بوتگ ات۔ فیلڈ مارشل صدام حسین ءَ دل ءِ جہل نہ کت ءُ شپ ءُ روچ محنت کت۔ نائب مزن وزیر ءُ دری کارانی وزیر ایس محمد اسحاق ڈار ھم وتی ھمکاراں گوں ھوار ات۔ مئے بے دروریں کوشستاں چہ جنگ بندی ءِ مدت ءِ تہ ءَ گیشی بوت کہ انگت ءَ برجاہ اِنت۔ مزن وزیر ءَ گوشت کہ اے وھد ءَ ایران ءِ درئی کارانی وزیر عباس اراقچی ھم وتی ٹیم ءِ گوما اتکگ ات۔ آئی ءَ گوں گپ ءُ تران ھم کتگ۔ شمبے ءِ روچ ءَ آئی ءَ من ءَ ھم گند ءُ نند کت۔ دو کلاک ءِ دیوان ءَ مئے یک پائدگ مندیں گپ ءُ تران بوت۔ اے درگت ءَ تہی کارانی وزیر ءِ ھم سک باز مزنیں کردے بوتگ، ایران ءِ دری کارانی وزیر ھم عمان ءَ شتگ ءُ پدا پاکستان ءُ پدا روس ءَ واتر بوتگ۔ من گوں آئی ءَ فون ءَ گپ جت گڑا آئی ءَ گشت کہ من دل ءِ جہلانکی ءَ گوں گند ءُ نند کنگ ءَ آں ءُ شور ءُ سلاہ ءَ پد پسو دیاں۔ مزن وزیر ءَ گوشت کہ اے وھد ءَ خام تیل ءِ نھاد پدا آزمان ءَ گوں گپ کنگ ءَ اِنت، مارا ھم نوکیں نھاد ایر کنگی اَنت، مارا سکیں چیلنجیں جاور ھال ءِ دیمپانی کنگی اِنت، بلے ما یکجائی وژن ءُ کوشست ءَ گوں جاور ھال ءَ کنٹرول کنگ ءِ کوشست کنگ ءَ آں۔ آئی ءَ پٹرولیم ءِ وزیر ءِ کارکردگی ءِ توسیپ کت ءُ گوشت کہ مئے گامگیج آنی برکت ءَ پاکستان ءِ جاور خطہ ءِ ایندگہ ملک آنی مقابلہ ءَ دلجمی بوتگ انت ءُ مارا ھچ وڑیں لیکہ گار نہ بوتگ۔ مزن وزیر ءَ گوشت کہ جاور ھال انچوش اَنت کہ یک ھپتگے ءِ واستہ پٹرول ءِ بل کہ جنگ ءَ چہ پیسر 300 کروڑ ڈالر بوتگ مرچی 800 کروڑ ڈالر ءَ سر بوتگ ۔ حکومت کفایت شعاری ءِ گامگیج ءُ بچت ءِ وسیلگ ءَ کوشست کنگ ءَ اِنت۔ ایشی ءِ ھاتر ءَ ٹاسک فورس ھم جوڑ کنگ بوتگ کہ آ جاور ھال ءِ سر ءَ دلگوشی ءَ گوں چار ءُ تپاسی کنگ ءَ اِنت۔ سرکار ءِ گامگیجانی برکت ءَ کھپت ءِ تہ ءَ مزنیں کمی یے اتکگ۔ مزن وزیر ءَ گوشت کہ اللہ تعالیٰ ءِ فضل ءَ پاکستان ءِ معیشت وتی کوپگ ءِ سر ءَ اوشتاتگ ات ءُ ما دیمروئی ءِ نیمگ ءَ روگ ءَ آں۔ بلے ما جنگ ءَ بے دروریں تاوان ءِ آماچ بوتگیں ءُ مئے دو سالی اجتماعی جہد پہ معاشی گہتری ءَ سک باز تاوان رستگ بلے اے گپ مئے وس ءَ نہ بوتگ۔ مزن وزیر ءَ گوشت کہ دعا انت کہ جنگ دائمی ھلاس بہ بیت ءُ ایمنی بہ بیت تانکہ مئے دیمروئی ءُ وشھالی ءِ سفر پدا بندات بہ بیت۔ مزن وزیر ءَ کابینہ ءَ را گوشت کہ پاکستان ءَ وتی سالانہ 3.5ارب ڈالر ءِ قرضہ ادا کتگ، فیڈرل ریزرو ھم جاہ ءَ اِنت، ایشی ءِ واستہ ما سعودی عرب ءِ حاکم شاہ سلمان بن عبدالعزیز السعود ءُ ولی عہد ءُ مزن وزیر محمد بن سلمان ءِ منت وار ایں، آہاں مئے جیڈھ ءَ را زوت گیواری کتگ۔ مزن وزیر ءَ گوشت کہ جیڈھ آنی کوہ مئے دیم ءَ اوشتاتگ انت بلے آ زوت گیش ءُ گیوار کنگ بنت۔ امن ءِ جہد انگت برجاہ انت، کم نہ بنت۔ مارا دلیری کنگی اِنت ءُ محنت کنگ ءَ برجاہ دارگی اِنت، مئے کوشستاں جوانیں آسراتی داتگ۔ مزن وزیر ءَ گوشت کہ نجکاری ءِ ھوالگ ءَ مشیر محمد علی ءَ گوشت کہ پی آئی اے ءِ نجکاری ءَ چہ راجی ھزانگ ءِ سر ءَ بار نہ بیت۔ مزن وزیر ءَ صوبگ آنی گوما ھمگرنچ کنگ ءِ واستہ جوڑ بوتگیں کمیٹی ءَ را ہدایت کتگ کہ آ کفایت شعاری ءُ الس ءَ را ریلیف پجاری ءِ واستہ گامگیج آنی سر ءَ گپ ءُ تران بہ کنت ءُ سبسڈی برجاہ بہ دار ایت۔ پبلک ٹرانسپورٹ ءُ موٹر سائیکل سواراں چہ وتی زند ءَ رکّینگ بہ بیت۔ الس ءِ گوما کتگیں عہد پیلو کنگ بیت۔ مزن وزیر ءَ گوشت کہ گرانیں وھد گوزگ ءَ انت، ءُ ھما راج کہ محنت ءُ یکوئی ءَ گوں کار کنت آ زندگ بیت۔\932