وفاقی وزیر عبدالعلم خان ءَ وفاقی وزیر محمد حنیف عباسی ءَ گوں گند ءُ نند کت، ریلوے ءُ مواصلات ءِ شوبگ ءَ وت مہ وتی کمک ءِ دیمروئی، راجی ٹرانسپورٹ ءِ نظام ءِ گہتری ءُ اصلاحات ءِ گامگیج آنی سر ءَ گپ ءُ تران

اسلام آباد۔29اپریل  (اے پی پی): وفاقی وزیر مواصلات عبدالعلم خان ءَ چار شمبے ءِ روچ ءَ ریلوے ءِ وزارت ءِ تر ءُ تاب کتگ اودا آئی ءَ ریلوے ءِ وفاقی وزیر محمد حنیف عباسی ءَ گوں گند ءُ نند کتگ۔ گند ءُ نند ءِ تہ ریلوے ءُ کمیونیکیشن ءِ شوبگ ءَ وت مہ وتی کمک ءِ دیمروئی، راجی ٹرانسپورٹ ءِ نظام ءِ گہتری ءُ جتا جتائیں اصلاحات ءِ گامگیج آنی سر ءَ دلگوشی کنگ بوت۔ وزارت ریلوے ءِ جارکش ءِ رد ءَ گند ءُ نند ءِ ساھت ءَ وفاقی وزیر مواصلات عبدالعلم خان ءَ ریلوے ءِ نیمگ ءَ چہ چست کتگیں انقلابی گامگیج آناں ساڑات ءُ گوشت کہ ملک ءِ دیمروئی ءِ واستہ نوکیں ءُ یکجاھیں ٹرانسپورٹ ءِ نظام ناگزیر اِنت۔ اے موہ ءِ سر ءَ آھاں ادارگی ھمگرنچی ءُ ھمگرنچی ءَ را گیش گیش کنگ ءِ سر ءَ تپاک کت تانکہ الس ءَ را جوانیں، ایمن تر ءُ آسان تریں سفری آسراتی پجاری کنگ بہ بنت۔ دوئیں راہشون آں ملک ءِ سرجمیں سیاسی ءُ اقتصادی جاورحال ءِ بابت ءَ ہم ھیال ءُ لیکہ درشان کتگ، وھدیکہ جہانی تناظر ءُ خطہ ءِ تہا پاکستان ءِ ارزشت، کرد ءُ اسٹریٹجک ارزشت ءِ بابت ءَ گپ ءُ تران کتگ۔