سی ڈی اے ءِ ریکارڈ ءِ ڈیجیٹلائزیشن  کنگ 120 روچ ءَ سرجم کنگ بیت، اسلام آباد ءَ ہچ وڑیں ناجائزیں ہاؤسنگ سوسائٹی ءَ را کار کنگ ءِ اجازت  دیگ نہ بیت، وفاقی وزیر داخلہ محسن نقوی

اسلام آباد۔29اپریل  (اے پی پی): وفاقی تہی کارانی وزیر محسن نقوی ءَ گشتگ کہ سی ڈی اے ءِ ریکارڈ ءِ ڈیجیٹلائزیشن 120روچ ءَ سرجم کنگ بیت، اسلام آباد ءَ ہچ وڑیں ناجائزیں ہاؤسنگ سوسائٹی ءَ را کار کنگ ءِ اجازت دیگ نہ بیت۔ چار شمبے ءِ روچ ءَ وزارت داخلہ ءِ نیمگ ءَ چہ جاڑی بوتگیں بیان ءِ رد ءَ وفاقی وزیر داخلہ محسن نقوی ءِ سروکی ءَ 4کلاک ءِ دیوان ءَ اسلام آباد ءَ جاری سرکاری منصوبگ ءُ نوکیں منصوبگ آنی دیمروئی ءِ سر ءَ چار ءُ تپاسی کنگ بیت۔ دیوان ءَ سی ڈی اے ءِ درستیں ریکارڈ آناں ڈیجیٹل کنگ ءِ پیسلہ کنگ بیت۔ محسن نقوی ءَ گوشت کہ ریکارڈ آناں ڈیجیٹلائزیشن 120روچ ءَ سرجم کنگ بیت، شہری وتی درخواست آنی اپ ڈیٹڈ اسٹیٹس ءَ وت چیک کنگ ءِ وس ءَ کن اَنت۔ اسلام آباد ءَ ہچ وڑیں ناجائزیں ہاؤسنگ سوسائٹی ءَ را کار کنگ ءِ اجازت دیگ نہ بیت۔ گند ءُ نند ءَ گوشگ بوت کہ نوکیں کنونشن سینٹر، ایکسپو سینٹرل ءُ اسلام آباد ایرینا ءِ جوڑیشت ءِ واستہ 3 انٹرنیشنل کمپنی آنی پری کوالیفکیشن سرجم کنگ بوتگ۔ وزیر داخلہ ءَ ایس سی او سروک دیوان ءَ چہ پیسر ایشی ءِ جوڑیشت ءَ را سرجم کنگ ءِ ہدایت کتگ۔ دیوان ءَ ایف شش ءَ سروس سینٹر منصوبگ ءِ واستہ زمین ءِ بھر ءُ بانگ ءِ ھم پیسلہ کنگ بوتگ۔ آئی ءَ زوتاں چہ زوت ٹاپ گالف، ہاٹ ایئر بیلون، زپ لائن، واٹر پارک  ءُ  امیوزمنٹ پارک ءِ وڑیں نوکیں دلگوشی ءِ آسراتی آنی سر ءَ کار بندات کنگ ءِ ہدایت کت ءُ گوشت کہ اسپورٹس سرگرمی آناں دیمروئی دیگ ءِ واستہ نوکیں اسپورٹس کمپلیکس جوڑ کنگ بنت۔ وزیر داخلہ ءَ ہائیڈ پارک ءِ لیکہ ءِ سرا ایف 9 پارک ءِ ھاتر ءَ یک جامع منصوبہ ءِ ہم لوٹ کتگ ءُ شاہدرہ ڈیم ءِ کش ءَ دلگوشی ءِ آسراتی ءِ ھاتر ءَ ہم لوٹ کتگ۔ آئی ءَ ایکسپریس وے ءُ کلب روڈ ءِ سڑک ءِ جوڑ کنگ ءُ لائٹنگ ءِ کار زوت بندات کنگ ءِ ھم فرمان داتگ۔ وزیر داخلہ محسن نقوی ءَ گوشت کہ آئی ءَ ڈی اے ءِ تہ ءَ کرپشن اسکینڈل ءِ پدر کنگ ءِ سر ءَ چیئرمین سی ڈی اے سہل اشرف ءُ باسکیں ملک زمان وٹو ءَ را مبارک بات داتگ۔ کرپشن ءَ ہمگرنچیں کجام ہم مردم ءَ را ہچ وڑیں مراعات دیگ نہ بیت۔ سی ڈی اے ءِ چیئرمین سہل اشرف ءَ وزیر داخلہ ءَ را سرجمیں بریفنگ دات۔ بریفنگ ءِ ساھت ءَ گوشگ بوت کہ پلاننگ ڈویژن ءِ منظوری ءَ چہ پد ایکسپریس وے ءِ سر ءَ سروس روڈ ءِ جوڑیشت بندات کنگ بیت۔