اسلام آباد، ھاسیں جج سنٹرل  ءَ اے پی پی ءِ کرپشن کیس ءِ ٹوھیں  ملزم ءِ دزگیر ،   زامانت  چہ دزگیری ءَ پیسر  ءَ را  رد کنگ بوتگ

اسلام آباد۔28اپریل  (اے پی پی): ھاسیں جج سنٹرل   ہمایون دلاور ءَ اے پی پی ءِ کرپشن کیس ءِ مستریں ملزم معظم جاوید کھوکھر  ءِ پیش دزگیری ءِ ضمانت ءِ درخواست رد کتگ، ایشی ءَ چہ فوراً پد وفاقی پٹ ءُ پولی ادارگ ءَ آمید گس ءِ  توک  ءَ چہ ملزم دزگیر کتگ۔ ایف آئی اے ءِ کارندہ آنی رد ءَ اے کیس یک ارب کلدار ءَ چہ گیش کرپشن اسکینڈل ءَ گوں سیادی دار ایت کہ ایشی ءِ تہ ءَ سرکاری وسیلگ آنی ناجائز کارمرد کنگ ءُ مالی بے رھبندی ءِ سنگینیں الزام ھوار اَنت۔ ایف آئی اے ءِ رد ءَ اے کیس ءَ ھواریں دگہ ھم ملزم پیسر ءَ دزگیر کنگ بوتگ اَنت ءُ جیل ءَ اَنت۔ آمید گس ءِ ریکارڈ ءِ رد ءَ ھمکاریں ملزم آنی ضمانت ءِ درخواست پیسر ءَ چہ ہائی کورٹ ءُ سپریم کورٹ ءَ رد کتگ اَنت۔ اے پی پی ءِ نیمگ ءَ حسنین حیدر تھہیم ایڈووکیٹ  ءَ دلیل پیش کتگ اَنت وھدے کہ ایڈووکیٹ رانا روحیل ارشاد ءُ ایڈووکیٹ خرم ابراہیم ھم آمید گس ءَ پیش بوتگ اَنت ءُ اے موقف زرتگ کہ ملزم ءَ آئی ءَ پی ایف اکاؤنٹ ءَ چہ زرّ ءِ زوال کتگ ءُ چیک ءِ سر ءَ دستخط کنگ ءَ ابید زرتگ۔ مستریں ملزم معزام جاوید خوکھر ءَ پیسر ءَ دزگیر کنگ ءَ پیسر ضمانت ءِ درخواست داتگ ات ءُ ضمانت ءِ یلہ کنگ ءَ پد شُتگ ات۔ بلے ملزم ءَ پدا آمیدگس ءَ دیم داتگ ات۔ آمید گس ءَ شواہد ءُ کیس ءِ دروشم ءِ سرا ھیال ءُ لیکہ کنان ءَ ملزم ءِ ضمانت ءِ درخواست رد کتگ ءُ کیس ءِ باقاعدہ ٹرائل 5 مئی ءَ بندات کنگ ءِ پرمان داتگ۔زانگ بہ بیت کہ ایف آئی اے ءَ کیس درج کتگ ءُ راجی اے پی پی ءَ یک ارب ءَ چہ گیش کلدار ءِ زرّ ءِ زوال ءِ الزام ءَ کارروائی بندات کتگ۔