پاکستان ءُ نیوزی لینڈ ءِ مزن وزیر آں ٹیلی فون ءِ سر ءَ گپ ءُ تران کتگ، دو نیمگی سیادی ءَ را مھکم کنگ ءِ واستہ یکجائی ءَ کار کنگ ءِ سر ءَ تپاک

اسلام آباد۔28اپریل  (اے پی پی): پاکستان ءُ نیوزی لینڈ ءِ نیام ءَ دو نیمگی سیادی ءَ را گیش مھکم کنگ ءِ واستہ یکجائی ءَ کار کنگ ءِ سر ءَ تپاک کتگ ۔ سئے شمبے ءِ روچ ءَ مزن وزیر محمد شہباز شریف ءَ را نیوزی لینڈ ءِ ھمکار کرسٹوفر لوکاس ءَ ٹیلی فون کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دوئیں رہشون آنی نیام ءَ دلپھکی ءُ دوستی گپ ءُ تران ءِ ساھت ءَ میاں اوستمانی ءِ بدل بوھوکیں جاور آنی سر ءَ ھیال ریچی کنگ بوت۔ مزن وزیر محمد شہباز شریف ءَ کرسٹوفر لیوکسان ءَ را پاکستان ءِ امن ءِ دیمروئی ءُ دمگ ءَ کش ءُ چیل ءِ کمی ءِ واستہ برجاھیں سفارتی کوشست ءُ ھوار بوھگ ءِ بابت ءَ سرپد کت۔ نیوزی لینڈ ءِ مزن وزیر ءَ پاکستان ءِ جوڑیشت ءِ سفارتی کوشست ھاسیں رنگ ءَ واشنگٹن ءُ تہران ءِ گوما ھوار بوھگ ءِ ساڑات ءُ اے ثالثی ءِ کوشست آنی سوبمندی ءِ واستہ نیکیں واھگ آنی درشان کت۔ مزن وزیر محمد شہباز شریف ءَ نیوزی لینڈ ءِ مزن وزیر ءِ منت گپت کنان ءَ دمگ ءُ دگنیا ءَ امن، گپ ءُ تران ءُ برجائی ءِ دیمروئی ءِ واستہ پاکستان ءِ بے مٹیں عزم ءِ یک رندے پدا گوشت۔ دوئیں راہشون آں پاکستان ءُ نیوزی لینڈ ءِ نیام ءَ دو نیمگی سیادی ءَ را گیش مھکم کنگ ءِ واستہ یکجائی ءَ کار کنگ ءِ سر ءَ تپاک کتگ ءُ دوئیں ملک آنی نیام ءَ دوستی ءُ دل دوستی ءِ سر ءَ دل یکیمی ءِ درشان کتگ۔ اے درگت ءَ نیوزی لینڈ ءَ نندوکیں پاکستانی کمیونٹی ءِ جوانیں کرد ءِ ھم ساڑاھگ بوت۔ مزن وزیر ءَ کرسٹوفر لوکاسن ءَ را پاکستان ءِ سرکاری تر ءُ تاب ءِ دعوت دات۔ دوئیں رہشوناں آیوکیں روچاں نزیکیں رابطہ ءِ تہا دارگ ءِ سرا ہم تپاک کتگ۔