حکومت یورپی یونین ءِ گوما تجارتی ءُ سرمایہ کاری ءِ سیادی ءَ را دیمروئی دیگ ءِ ھاتر ءَ سنگینیں کوشستاں برجاہ دار ایت، مزن وزیر محمد شہباز شریف

اسلام آباد۔28اپریل  (اے پی پی): مزن وزیر محمد شہباز شریف ءَ دل یکیمی داتگ کہ حکومت یورپی یونین ءِ گوما تجارتی ءُ سرمایہ کاری سیادی ءَ را دیمروئی دیگ ءِ واستہ سنگینیں کوشست ءَ برجاہ دار ایت۔ آئی ءَ گوں یورپی یونین ءِ مزنیں کارندہ ءُ نامداریں یورپ کمپنی آنی کاروباری نمائندگ آنی سر ءَ ھواریں ڈل ءَ گوں گپ ءُ تران کنگ ءَ ات کہ آئی ءَ سئے شمبے ءِ روچ ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ ڈل ءِ سروکی ءَ یورپی کمیشن ءِ ڈائریکٹوریٹ جنرل آف انٹرنیشنل پارٹنرشپ ءِ ڈائریکٹر (ایشیا پیسفک) پیٹرس سٹبس تھوریا ٹریکی، ڈائریکٹر انٹرنیشنل پارٹنرز یورپی سرمایہ کاری بینک ءِ ڈائریکٹر وائسے کارڈاس، ای ڈیلوڈاس ءِ نائب صدر مینوئل پاؤزر بوتگ۔ آئیکیا (آئیکیا) ءِ دمگی ڈائریکٹر ڈائٹر مٹکے ھم اے ڈل ءِ بھر بوتگ اَنت۔ نائب مزن وزیر ءُ دری کارانی وزیر سینیٹر محمد اسحاق ڈار، وزیر تجارت جام کمال خان، وزیر کانود، انصاف ءُ انسانی حق اعظم نظیر تارڑ، وزیر مملکت بلال اظہر کیانی، ھاسیں کمکار سید طارق فاطمی ءُ ہارون اختر خان   ءُ     پاکستان  ءَ پوسٹیں  یورپی یونین  ءِ  سفیر ریمنڈس کیروبلس  ھم ھوار اتنت۔ دیوان ءِ تہا ھوار انت۔ مزن وزیر ءَ یورپی یونین ءِ ڈل ءَ را وش اتک کت ءُ یورپی یونین ءُ پاکستان بزنس فورم ءَ بھر زوری ءِ سر ءَ شگر ءُ منت گپت۔ آئی ءَ گوشت کہ یورپی یونین پاکستان ءِ مستریں تجارتی شریک ءُ پاکستان ءَ چہ گیش ءَ چہ گیش برآمدات ءِ منزل اِنت۔ یورپی یونین ءُ پاکستان بزنس فورم ءِ برجم دارگ ءِ ساڑاھ ءَ مزن وزیر محمد شہباز شریف ءَ امیت سہرا کت کہ مراگش ءَ چہ پاکستان ءُ یورپی یونین ءِ نیام ءَ بیپاری ءُ سرمایہ کاری سیادی ءَ را گیش دلبڈی رسیت۔ آئی ءَ ڈل ءَ را دل یکیمی دات کہ حکومت یورپی یونین ءِ گوما تجارتی ءُ سرمایہ کاری سیادی ءَ را دیمروئی دیگ ءِ واستہ وتی سنگینیں کوشست آناں برجاہ دار ایت۔ مزن وزیر محمد شہباز شریف ءَ یورپی یونین ءِ ڈل ءَ را پاکستان ءِ حکومت ءِ مھکمیں عزم ءِ دل یکیمی دات کہ آ دمگی چیلنج آنی باوجود اقتصادی برجائی ءِ ھاترا کار ءَ را برجاہ دار ایت، ایشی ءِ تہ ءَ میاں اوستمانی جاور ھال آنی سبب ءَ تیل ءِ نرخ آنی تہ ءَ گوستگیں وھد ءَ گیشی ھم ھوار اِنت۔ اے درگت ءَ مزن وزیر ءَ یورپی یونین ءِ کونسل ءِ صدر انتونیو کوسٹا ءِ گوما وتی گوستگیں دو ٹیلی فون رابطہ آنی ھاسیں رنگ ءَ ذکر کت کہ ایشی ءِ تہ ءَ دمگی ایمنی ءِ جاور ھال ءِ ھواری ءَ پاکستان ءُ یورپی یونین ءِ سیادی ءَ را گیش مھکم کنگ ءِ راہ آنی سر ءَ سرجمیں رنگ ءَ گپ ءُ تران کنگ بوت۔ یورپی یونین ءِ ڈل ءَ خطہ ءَ امن ءِ ھاتر ءَ کوشست آنی تہ ءَ مزن وزیر محمد شہباز شریف ءِ سروکی کرد ءِ ساڑات کنان ءَ یورپی یونین ءُ پاکستان بزنس فورم ءِ میزبانی ءَ حکومت ءِ سرجمیں کمک ءِ ساڑات۔ ڈل ءِ باسکاں پاکستان ءَ سرمایہ کاری ءِ وتی تجربگ ءِ بابت ءَ گپ ءُ تران کنان ءَ گوشت کہ یورپی یونین ءُ پاکستان ءِ نیام ءَ توانائی، کمیونیکیشن ءُ آئی ٹی ءِ ھوار جتا جتائیں شوبگ آنی تہ ءَ بی ٹو بی سیادی ءَ را گیش دیمروئی دیگ ءِ مھکمیں گنجائش است اِنت۔