اقتصادی برجائی ءِ نیمگ ءَ سفر برجاہ اِنت، رواں مالی سال ءَ جی ڈی پی ءِ کساس ءِ تہ ءَ 4درسد ءِ گمان اِنت، سینیٹر محمد اورنگزیب

اسلام آباد۔28اپریل  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ پائیدار اقتصادی برجائی ءِ نیمگ ءَ مئے سفر برجاہ اِنت، اقتصادی شوبگ ءَ ڈھانچہ ءِ اصلاحات ءِ سر ءَ عمل کنگ بوھگ ءَ اِنت، رواں مالی سال ءَ چہ صنعتی سال ءِ تہ ءَ مجموعی راجی پیداوار ءِ تہ ءَ گیشی ءِ کساس 4درسد ءِ نزیک ءَ بوھگ ءِ گمان اِنت۔ برآمداتی صنعت آنی دیمروئی ءِ واستہ خام مال ءِ سر ءَ ٹیکس ءُ ڈیوٹی کم کنگ بوتگ۔ سئے شمبے ءِ روچ ءَ ادا یورپی یونین ءُ پاکستان ءِ مزنیں تک ءِ بزنس فورم ءَ گوں گشتانک دیان ءَ وزیر ءِ ھزانگ ءَ گوشت کہ پائیدار اقتصادی برجائی ءِ نیمگ ءَ مئے سفر برجاہ اِنت، اقتصادی شوبگ ءَ ڈھانچہ ءِ اصلاحات کنگ بوھگ ءَ اَنت، پائیدار اقتصادی دیمروئی ءِ واستہ اقتصادی اصلاحات المی اَنت۔ پاکستان ءُ یورپی یونین ءِ سیادی ءِ بابت ءَ وزیر ءِ ھزانگ ءَ گوشت کہ یورپی یونین پاکستان ءِ برآمدات ءِ واستہ یک کارآمدیں بازار ءِ انت۔ آئی ءَ گوشت کہ سرجمیں معیشت ءِ تہ ءَ لھتیں ماہ ءَ چہ برجائی بوھگ ءَ اِنت۔ مالیات ءِ رد ءَ پاکستان ءَ بنجاہی سرپلس ءِ ھاترا سوبمندی رستگ۔ مجموعی ملکی پیداوار ءِ تہ ءَ گیشی ءِ رد ءَ پاکستان گہتریں جاہ ءَ انت۔ اے سال ءِ بندات ءَ ما گشتگ ات کہ مئے جی ڈی پی ءِ دیمروئی ءِ کساس 3.7% ءُ 4.7% ءِ نیام ءَ بوت کنت۔ اے سال ءَ مئے جی ڈی پی 4% ءِ نزیک ءَ بوت کنت کہ گوستگیں سال ءِ 3.1% ءَ چہ باز شرتر اِنت۔ آئی ءَ گوشت کہ کرنٹ اکاؤنٹ ءِ بیلنس ھم شرتر اِنت۔ مالی سال ءِ اولی 9 ماہانی تہا کرنٹ اکاؤنٹ ءِ بیلنس 174ملین ڈالر سرپلس بوتگ کہ گوستگیں مالی سال ءِ ہمے وھد ءَ 1.755ارب ڈالر بوتگ۔ مارچ ءَ کرنٹ اکاؤنٹ ءِ بیلنس 1.070ارب ڈالر ریکارڈ کنگ بوتگ کہ فروری ءَ 231ملین ڈالر سرپلس بوتگ ءُ گوستگیں سال ءِ مارچ ءَ 1.276ارب ڈالر بوتگ۔ آئی ءَ گوشت کہ مالی سال ءِ اولی 9ماہ آنی تہ ءَ بنجاھی خسارہ (بنیادی بیلنس) 6.331ارب ڈالر ریکارڈ کنگ بوتگ کہ گوستگیں مالی سال ءِ ھمے وھد ءِ تہ ءَ 6.829ارب ڈالر ءِ چہ 7درسد کم اِنت۔ مارچ ءِ تہ ءَ بنجاہی خسارہ 607 ملین ڈالر ءِ تہ ءَ ریکارڈ کنگ بوتگ۔ وزیر ءِ ھزانگ ءَ گوشت کہ ملک ءِ برآمدات ءِ تہ ءَ انفارمیشن ٹیکنالوجی ءِ بھر مُدام گیش بوھگ ءَ انت۔ مالی سال ءِ اولی 9ماہ آنی تہ ءَ آئی ٹی ءِ برآمدات ءَ سالانہ بنیاد ءَ 20درسد ءُ مارچ ءَ ماہانہ بنیاد ءَ 13درسد ءِ گیشی بوتگ۔ مالی سال ءِ اولی 9ماہ آنی تہ ءَ آئی ٹی ءِ برآمدات ءَ چہ ملک ءَ 3.39ارب ڈالر ءِ آمدنی بوتگ کہ گوستگیں مالی سال ءِ ھمے وھد ءِ مقابلہ ءَ 20درسد گیش اِنت۔ ھمے رنگ ءَ مارچ ءَ آئی ٹی ءِ برآمدات ءِ کساس 413ملین ڈالر ریکارڈ کنگ بوتگ کہ فروری ءَ 365ملین ڈالر ءَ چہ 13درسد ءُ گوستگیں سال ءِ مارچ ءَ 329ملین ڈالر ءَ چہ 21درسد گیش اِنت۔ یوران پاکستان پروگرام ءِ چیر دستی ءَ مالی سال 2029ءَ تاں آئی ٹی ءِ برآمدات ءِ ٹارگٹ 10ارب ڈالر ایر کنگ بوتگ۔ آئی ءَ گوشت کہ روشن ڈیجیٹل اکاؤنٹس ءِ وسیلگ ءَ زرّ ءِ دیم دیگ ءُ سرمایہ کاری ءِ تہ ءَ مدام گیشی بوھگ ءَ اِنت۔ اے وھد ءَ 90درسد ءِ نزیک ءَ زرّ ءِ دیم دیگ ڈیجیٹل رنگ ءَ کنگ بوھگ ءَ اِنت۔ مارچ ءَ درملکیں پاکستانی آں روشن ڈیجیٹل اکاؤنٹس ءِ وسیلگ ءَ 261ملین ڈالر ملک ءَ روان داتگ۔ ستمبر 2020 ءَ چہ درملکیں پاکستانی آں روشن ڈیجیٹل اکاؤنٹس ءِ وسیلگ ءَ 12.426ارب ڈالر ملک ءَ روان داتگ۔ وفاقی وزیر ءَ گوشت کہ اے وھد ءِ تہ ءَ اوورسیز پاکستانی آں ھم اے اکاؤنٹ آنی وسیلگ ءَ ملک ءَ 1.737ارب ڈالر ءِ سرمایہ کاری کتگ۔ اے اکاؤنٹس ءِ وسیلگ ءَ نیا پاکستان روایتی سرٹیفکیٹ آنی تہ ءَ 538ملین ڈالر، اسلامی نیا پاکستان سرٹیفکیٹ آنی تہ ءَ 1.093ارب ڈالر ءُ اسٹاک ایکسچینج ءِ تہ ءَ 106ملین ڈالر سرمایہ کاری کنگ بوتگ۔ آئی ءَ گوشت کہ پاکستان ءَ درملکی سرمایہ کاری ءِ سر ءَ منافع ءِ ٹرانسفر ھم بوھگ ءَ انت، ایشی ءَ چہ پائیدار ءُ مھکمیں معیشت ءِ درشان انت۔ پاکستان بازیں وھد ءَ پد میاں اوستمانی سرمایہ مارکیٹ ءَ ہوار بوتگ۔ اے سال ءَ پاکستان وتی اولی پانڈا بانڈ ھم جاری کنگ ءَ اِنت ایشی ءِ واستہ یک لڑ ءِ بندوبست ءُ گامگیج آنی سر ءَ کار بوھگ ءَ اِنت۔ حکومت ءَ یورپی بانڈز ءِ ھم وھد ءِ سر ءَ پچ گرگ کتگ۔ وزیر خزانہ ءَ گوشت کہ رواں مالی سال ءِ گڈ ءَ تاں اسٹیٹ بینک ءِ درملکی زرّ ءِ ذخیرہ 18ارب ڈالر ءَ سر کنگ ءِ ٹارگٹ ایر کنگ بوتگ کہ اے سئے ماہ ءِ درآمدات ءِ واستہ کافی اِنت۔ آئی ءَ گوشت کہ معیشت ءِ جتاجتائیں شوبگ آنی تہ ءَ اصلاحات ءِ عمل برجاہ اِنت۔ ءُ ٹیکنالوجی ءِ سرا مبنی اصلاحات ءِ سرا کار بوھگ ءَ انت۔ آئی ءَ گوشت کہ ٹیکس بیس ءِ تہ ءَ را گیش کنگ ئُُ جی ڈی پی ءِ تناسب ءَ ٹیکس ءِ کساس ءَ را گیش کنگ ءِ واستہ کار بوھگ ءَ اِنت ایشی ءَ جوانیں آسر دیم ءَ اتکگ۔ ٹیکس ءِ کساس جی ڈی پی ءِ تناسب ءَ گیش بوھگ ءَ انت ءُ مئے کوشست انت کہ کم کم ءَ ایشی ءَ را میاں اوستمانی معیار ءِ رد ءَ آرگ بہ بیت۔ وزیر خزانہ ءَ گوشت کہ ملکی صنعت آناں مقابلہ ءِ لائک جوڑ کنگ ءِ واستہ کسٹم ڈیوٹی ءِ کساس، گیشیں کسٹم ڈیوٹی ءُ ریگولیٹری ڈیوٹی ءِ تہ ءَ کمی کنگ بوتگ ءُ برآمداتی صنعت آنی دیمروئی ءِ واستہ خام مال آنی سر ءَ ٹیکس ءُ ڈیوٹی کم کنگ بوتگ۔ وزیر ءِ ھزانگ ءَ گوشت کہ توان ءِ شوبگ ءَ اصلاحات بوھگ ءَ انت، ریواولنگ لون آنی تہ ءَ کمی ءُ ڈسکس ءِ کارکردگی ءَ را گہتر کنگ ءِ واستہ بازیں گامگیج چست کنگ بوتگ ایشی ءَ چہ جوانیں نتیجگ رسگ ءَ انت، سبسڈی آنی تہ ءَ ھم کمی کنگ بوتگ۔ آئی ءَ گوشت کہ مزن وزیر محمد شہباز شریف ءِ ہدایت ءِ رد ءَ وفاقی حکومت ءِ کساس (رائٹ سائزنگ) ءَ را کم کنگ ءِ واستہ ھم گامگیج کنگ بوھگ ءَ انت۔ یوٹیلٹی اسٹورز کارپوریشن ءَ ھوار بازیں ادارہ سبسڈی ءِ ناجائز کارمرز کنگ ءِ سبب ءَ بند کنگ بوتگ انت۔ وزیر ءِ ھزانگ ءَ گوشت کہ مزن وزیر ءِ سروکی ءَ حکومت ءِ ھیال انت کہ ملک ءِ سروکی جندی شوبگ ءَ کنگی انت۔ اے درگت ءَ نجکاری ءِ عمل برجاہ انت۔ پی آئی اے ءُ فرسٹ وومن بینک ءِ نجی کنگ بوتگ۔ اے گپ وشیں گپے کہ مئے بنجاہی سرمایہ کاراں نجکاری ءِ عمل ءِ تہا سک باز دلچسپی ءِ درشانی کتگ کہ ایشی ءَ چہ سرمایہ کار آنی اقتصادی دیمروئی، اصلاحات ءِ عمل ءُ گہتریں پالیشی آنی تہ ءَ دلجمی ءِ درشانی کنگ بیت۔ وزیر ءِ ھزانگ ءَ گوشت کہ قرض آنی گر ءُ دار ءُ بھر ءُ بانگ ءِ تہ ءَ گہتری ڈیبٹ مینجمنٹ آفس ءِ واستہ ھم کار جاری اِنت، نوکیں دروشمے دیگ بوتگ، ڈیبٹ ءِ پچ گرگ ءِ ھرچ ءُ درچ کم کم ءَ کم بنت، پنشن ءِ نظام ءَ ھم اصلاحات کنگ بوتگ اَنت، سول سروس ءَ شریکیں پنشن ءِ نظام ھم دیم ءَ آرگ بوتگ، اے نظام آیوکیں سال ءَ چہ سلاہ بندیں اُرد ءَ دیم ءَ آرگ بیت۔\932