آرمی راکٹ فورس کمانڈ ءَ  ھندی رنگ  ءَ جوڑ کتگیں میزائل سیسٹم فتح دوم ءِ ھیل کاری ءِ ایکسرسائز ءَ سوبمندیں رنگے ءَ برجم داشتگ

راولپنڈی۔28اپریل  (اے پی پی): آرمی راکٹ فورس کمانڈ ءَ  ھندی رنگ  ءَ جوڑ کتگیں فتح دوم میزائل سسٹم ءِ سوبمندیں ھیل کاری ءِ ایکسرسائز کتگ کہ ایشی ءِ تہ ءَ نوکیں ایویونکس ءُ نیویگیشن ءِ آسراتی ھوار انت۔ سئے شمبے ءِ روچ ءَ پاک فوج ءِ پبلک ریلیشنز ڈیپارٹمنٹ ءِ نیمگ ءَ جاڑی بوتگیں بیان ءِ رد ءَ اے ھیل کاریی ایکسرسائز ءِ مول ءُ مراد فورسز ءِ ھیل کاری کنگ، جتا جتائیں تکنیکی تک ءُ پھنات آنی منظوری ءُ جوانیں درستگی ءُ گیشیں زندگ بوھگ ءِ واستہ ھواریں جتا جتائیں ذیلی نظام آنی کارکردگی ءِ ارزشت دیگ بوتگ۔ ایکسرسائز ءِ گواہ اسٹریٹجک پلان ڈویژن، آرمی راکٹ فورس کمانڈ ءُ پاک فوج ءِ مزنیں افسر آں اسٹریٹجک ادارگ آنی سائنسدان ءُ انجینئر آنی ھمراھی ءَ ھوار بوتگ اَنت۔ فورم ءَ بومی رنگ ءَ جوڑ کتگیں فتح سری میزائل ءِ سوبمندیں ھیل کاری ءِ ایکسرسائز ءَ را ستا کرتگ۔ صدر آصف علی زرداری، مزن وزیر محمد شہباز شریف، آرمی چیف ءُ چیف آف ڈیفنس فورسز فیلڈ مارشل سید عاصم منیر ءُ سروسز چیفس  ءَ درستیں مردمانی تکنیکی مہارت، لگن ءُ جزم ءِ توسیپ کت کہ آہاں سوبمندیں میزائل ایکسرسائز ءِ تہا کرد پیلو کتگ۔