اقتصادی دیمروئی ءِ ھاترا سرمایہ کاری ءِ دیمروئی حکومت ءِ اولی ترجی انت، ایس آئی ایف سی ءِ جوڑ کنگ ءَ ملک ءَ سرمایہ کار آنی دل یکیمی گیش بوتگ، مزن وزیر شہباز شریف

اسلام آباد۔28اپریل  (اے پی پی): مزن وزیر محمد شہباز شریف ءَ گوشت کہ اقتصادی دیمروئی ءِ واستہ سرمایہ کاری ءِ دیمروئی حکومت ءِ اولی ترجی اِنت، ھاسیں سرمایہ کاری ءِ آسراتی ءِ کونسل ءِ جوڑ کنگ ءَ چہ ملک ءَ سرمایہ کار آنی دلبڈی گیش بوتگ، حکومت ءُ سرمایہ کار آنی نیام ءَ رابطہ آناں رسائی ءِ نظام ءَ را مھکم کنگ بہ بیت۔ دگہ سروسز ءَ را تیز کنگ بہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ملک ءَ سرمایہ کاری ءِ دیمروئی ءِ ھوالگ ءَ مزن وزیر محمد شہباز شریف ءِ سروکی ءَ چار ءُ تپاسی دیوان برجم دارگ بوت۔ گند ءُ نند ءَ وفاقی وزیر کانود ءُ انصاف اعظم نذیر تارڑ ،وفاقی وزیر اقتصادی امور احد خان چیمہ ، وفاقی وزیر انفارمیشن ٹیکنالوجی  ءُ  ٹیلی کام شزا فاطمہ ، وزیر مملکت برائے ھزانگ ءُ   ریلوے بلال اظہر کیانی،  مزن وزیر ءِ ھاسیں کمکار ہارون اختر   ءَ ھم  بہر زرتگ۔ مزن وزیر ءَ ہدایت کت کہ برآمدات ءَ را گیش کنگ ءِ واستہ ملکی ءُ درملکی سرمایہ کار آناں درستیں المی ئیں آسراتی پجاری کنگ بہ بنت، سرمایہ کاری ءَ را دیمروئی دیگ ءِ واستہ ریگولیٹری تعمیل ءِ عملدرآمد ءَ را آسان ءُ کم ھرچ ءُ درچ کنگ بہ بیت، حکومت ءُ سرمایہ کار آنی نیام ءَ رابطہ آناں مھکم کنگ بہ بیت، سرجمیں سروسزنگ سسٹم ءِ ڈیجیٹلائزیشن ءُ لائسنس آناں رسائی ءِ دگہ لائسنس کنگ بہ بیت۔ مزن وزیر ءَ گوشت کہ ھاسیں سرمایہ کاری ءِ آسراتی ءِ کونسل ءِ جوڑ کنگ ءَ چہ ملک ءَ سرمایہ کار آنی دل یکیمی گیش بوتگ۔ گند ءُ نند ءَ ملک ءَ سرمایہ کاری ءِ تہ ءَ گیشی ءِ واستہ حکومتی گامگیج آنی بابت ءَ سرپد کنگ بوت۔ گند ءُ نند ءَ گوشگ بوت کہ رواں مالی سال ءِ جولائی ءَ چہ مارچ ءَ تاں ملکی برآمدات ءِ تہ ءَ ھاسیں اقتصادی زون آنی بہر 3.7درسد بوتگ۔ مالی سال 2028ءَ تاں ملک ءِ برآمدات ءِ تہ ءَ ھاسیں اقتصادی زون آنی بھر ءُ بانگ ءَ را 8درسد ءَ سر کنگ ءِ ٹارگٹ ایر کنگ بوتگ۔سرمایہ کاری ءِ دیمروئی ءِ واستہ صوبگ آنی گوما شور ءُ سلاھ ءَ کاروباری تیاریں ایکشن پلان جوڑ کنگ بوھگ ءَ اِنت۔ سرجمیں سروسز ڈیجیٹل کنگ بوھگ ءَ انت تانکہ سرمایہ کار ءُ کاروباری مردم آنی واستہ سرکاری اجازت نامہ ءِ گرگ ءَ آسانی بہ بیت، ایشی ءِ واستہ پاکستان ریگولیٹری رجسٹری جوڑ کنگ بوھگ ءَ انت۔ اے وھد ءَ ملک ءَ 21 ھاسیں اقتصادی زون کار کنگ ءَ اَنت ءُ اے کساس جون 2026 ءَ تاں 26 ءَ سر بیت۔کاروبار ءِ آسانی ءِ ایکٹ ءِ رد ءَ رد ٹیپ ھلاس کنگ بیت ءُ ڈیجیٹل سروسز ءِ پھجارینگ ءَ سرمایہ کاری ءِ تہ ءَ گیش آسراتی رس ایت۔