وفاقی وزیر قیصر احمد شیخ ءَ پاکستانی ورنائیں کاروباری مردم صالح آصف ءَ را آئی ءِ جھان ءِ سوبمندی ءِ  پد ءَ توسیپ ءُ ستا ءِ درشان

اسلام آباد۔28اپریل  (اے پی پی): سرمایہ کاری ءِ بورڈ ءِ وفاقی وزیر قیصر احمد شیخ ءَ پاکستانی ورنائیں کاروباری مردم صالح آصف ءِ زبردستیں عالمی سوبمندی ءِ توسیپ کتگ ءُ ایشی ءَ را پاکستان ءِ واستہ فخر ءِ وسیلگ لیک اتگ۔ اے دیمروئی ءِ بابت ءَ وتی ھیالانی درشانی کنان ءَ وفاقی وزیر ءَ گوشت کہ 26 سالی ئیں اے آئی اسٹارٹ اپ کرسر (اینِی سفیئر) ءَ گوں سیادی داروکیں مردم ءَ گوں دگنیا ءِ نامداریں کمپنی اسپیس ایکس ءَ یک ھاسیں معاہدے ءِ سر ءَ دستخط کتگ کہ ایلون مسک ءِ سروکی ءَ کار کنگ ءَ اِنت۔ اے سوبمندی ءَ پاکستان ءَ را گلوبل ٹیکنالوجی ءِ دائرہ ءَ نامدار کتگ۔ وفاقی وزیر ءَ گوشت کہ اے سوبمندی پاکستانی ورنا آنی بے دروریں توان آنی یک پدریں گواہی انت ایشی ءَ چہ پدر بیت کہ پاکستان نوآبادیاتی ءُ ٹیکنالوجی ءِ شوبگ ءَ گوں ترندی ءَ دیم ءَ روان انت۔ آئی ءَ گیش گوشت کہ اے وڑیں سوبمندی سرجمیں ملک ءِ ورنا آنی واستہ رژنائی ءِ چراگ انت ھاسیں رنگ ءَ آ کہ آ مصنوعی ذہانت ءُ نوکیں ٹیکنالوجی ءِ پڑ ءَ دیم ءَ روگ لوٹ انت۔ آئی ءَ گوشت کہ پاکستان ءِ حکومت اسٹارٹ اپس ءِ دیمروئی ءُ سرمایہ کاری ءِ واستہ جوانیں چاگرد پجاری ءِ واستہ جزمیگ انت۔ اے وڑیں کامیابی جدت ءِ دیمروئی، کاروبار ءِ آسراتی ءُ پاکستانی ٹیلنٹ ءَ را جھان ءِ موہ آنی گوما یکجا کنگ ءِ مئے جزم ءَ را گیش مھکم کنت۔ آئی ءَ گیش گوشت کہ بورڈ آف انویسٹمنٹ ملک ءَ کاروباری چست ءُ ایر آناں دیمروئی دیگ، درملکی سرمایہ کاری آناں را وتی نیمگ ءَ رازیگ کنگ ءُ پاکستان ءَ را گلوبل ڈیجیٹل معیشت ءِ تہ ءَ مھکمیں جاہ دیگ ءِ واستہ مدام گامگیج زورگ ءَ اِنت۔ وفاقی وزیر ءَ ورنا کاروباری صالح آصف ءَ را مبارک بات دیگ ءِ ساھت ءَ اے امیت سہرا کت کہ گیش ءَ چہ گیش پاکستانی ورنا ملک ءَ را جھان ءِ پڑ ءَ ھم نامدار کن اَنت۔ بورڈ آف انویسٹمنٹ جدت ءِ دیمروئی، ورنا آناں بااختیار جوڑ کنگ ءُ پاکستان ءَ را یک جھان ءِ سرمایہ کاری ءُ ٹیکنالوجی ءِ مرکز جوڑ کنگ ءِ واستہ جزم انت۔