معاون مزن وزیر محمد اسحاق ڈار ءَ آٹزم سپیکٹرم ڈس آرڈر ءِ ھاتر ءَ سینٹر آف ایکسیلنس ءِ مشاورتی بورڈ ءِ دیوان ءِ سروکی

اسلام آباد۔28اپریل  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ آٹزم سپیکٹرم ڈس آرڈر ءِ مرکز ءِ ایڈوائزری بورڈ ءِ دیوان ءِ سروکی ءَ کت ایشی ءِ تہ ءَ آئی ءَ تاں انوگ ءَ بوتگیں پیشرفت ءِ سر ءَ چار ءُ تپاسی کت۔ نائب مزن وزیر کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ مرکز ءِ جاہ ءِ ھلاسی ءِ سر ءَ دل یکیمی ءِ درشانی کت ءُ ہدایت کت کہ منصوبگ بندی ءُ دیمروئی ءِ عمل ترند کنگ بہ بیت۔ آئی ءَ کوالٹی سروسز ءِ پھجارینگ ءَ را دل یکیمی کنگ ءِ سر ءَ زور پر دات کہ ایشی ءِ واستہ ھیل کاری یافتہ ماہرین، ھاسیں آرکیٹیکچر ءُ میاں اوستمانی جوانیں رھبند آناں وتیگ کنگ بہ بیت تانکہ آٹزم سپیکٹرم ڈس آرڈر ءِ ھوالگ ءَ وانگ ءُ زانگ، علاج ءُ پٹ ءُ پول ءَ را دل یکیمی کنگ بہ بیت۔ گند ءُ نند ءِ تہ ءَ مزن وزیر ءِ ھاسیں کمکار طارق باجوہ، سیکرٹری وانگ ءُ زانگ، سیکرٹری جان سلامتی، سیکرٹری ھزانگ ءِ ھاسیں سیکرٹری، سیادی داروکیں وزارت آنی مزنیں کارندہ ءُ اے پڑ ءَ اے دگہ زانتکار آنی بھر زوری بوتگ۔