حکومت ءَ نادراہی ءِ گر ءُ دار ءِ سر ءَ دلگوشی دیوکیں حکمت عملی ءِ زورگ ءِ پیسلہ کتگ، راجی جان سلامتی ءِ وفاقی وزیر سید مصطفی کمال جان سلامتی ءُ وردن  ءِ کانفرنس ءَ گوں تران

اسلام آباد۔27اپریل  (اے پی پی): راجی جان سلامتی ءِ وفاقی وزیر سید مصطفیٰ کمال ءَ گوشت کہ پاکستان ءَ تیزی ءَ گوں گیش بوھوکیں آبادی ءُ جان سلامتی ءِ شوبگ ءِ چیلنج آنی رد ءَ حکومت ءَ نادراھی آنی گر ءُ دار ءِ سر ءَ مرکوزیں حکمت عملی ءِ زورگ ءِ پیسلہ کتگ ءُ علاج ءِ سر ءَ بنیات ءِ نظام ءَ چہ دور بوھگ ءَ انت۔ اے ھیالانی درشانی آئی ءَ ھیلتھ اینڈ نیوٹریشن کانفرنس ءَ گوں تران کنان ءَ کت۔ آئی ءَ گوشت کہ ملک ءِ انوگیں آبادی ءِ کساس 240ملین ءَ سر بوتگ، وھدیکہ ھر سال لکاں زھگ آنی پیداک بوھگ ءَ چہ جان سلامتی ءِ نظام ءِ سر ءَ مدام زور گیش بوھگ ءَ اِنت، ایشی ءِ سبب ءَ ہسپتال، ڈاکٹر ءُ دوائی آنی وسیلگ ءَ روایتی رنگ ءَ جیڈھ آناں گیش ءُ گیوار کنگ ممکن نہ اِنت۔ آئی ءَ گوشت کہ اگاں مزنیں کساسے ءَ مردم نادراہ بہ بنت گڈا دگنیا ءِ ھچ ملک اے بار ءَ برداشت نہ کنت چوش کہ کوویڈ 19 ءِ وھد ءَ گندگ بوتگ کہ دیمروئی کتگیں ملک آنی جان سلامتی ءِ نظام ھم سکیں زور ءِ آماچ بوتگ اَنت۔ اے درگت ءَ پاکستان ءِ جان سلامتی ءِ نظام ءَ را چہ ”بیماریں چار ءُ بچار“ ءَ ”جان سلامتی ءِ چار ءُ بچار“ ءَ بدل کنگ بزاں نادراھی ءَ پد درمان کنگ ءِ بدل ءَ نادراھی ءِ دیم ءَ آیگ ءَ پیسر ءِ رکّینگ ءِ وھد ءِ لوٹ ءِ جار جنگ بوھگ ءَ اِنت۔ حکومت ءَ ماہرین ءُ میاں اوستمانی شریک آنی گوما شور ءُ سلاھ ءَ یک جامع حکمت عملی ءِ جوڑ کتگ ایشی ءِ چیر دستی ءَ ہسپتال آنی سیمسر ءَ چہ در ءُ ادارگی تک ءَ جان سلامتی ءِ نظام ءَ را مھکم کنگ ءِ سر ءَ دلگوشی دیگ بوتگ۔ فیملی پلاننگ، حمل ءِ وھد ءَ جوانیں وھد ءُ پاس، ساپیں آپ ءِ رسگ، رکّینگ ءِ ویکسین، متوازنیں ورگ ءُ جان سلامتی ءِ زند ءِ رہبند ایشی ءِ ستون جوڑ کنگ بوتگ اَنت۔ دوا ءُ درمان ءِ پڑ ءَ پٹ ءُ پول ءِ دیمروئی ءَ را ھم اولیت دیگ بوھگ ءَ اِنت، ایشی ءِ تہ ءَ وردن، غذائیت ءُ پودگ ءِ سر ءَ بنیات ءِ دوائی آنی سر ءَ دلگوشی دیگ بوھگ ءَ اِنت۔ اے ھاتر ءَ پاکستان ءِ ڈرگ ریگولیٹری اتھارٹی ءَ یک ھاسیں ڈیسک ءِ جوڑ کنگ بوتگ کہ ایشی ءِ تہ ءَ روایتی ءُ ہربل دوائی آنی سائنسی ٹیسٹنگ، کلینیکل ٹرائلز ءُ سٹینڈرڈ آنی تیاری ءِ تہ ءَ کمک رس ایت تانکہ صارف ءُ صنعت ءِ دوئیں نیمگ آنی اعتماد بحال کنگ بہ بیت۔ مراگش ءَ وتی گشتانک ءِ ساھت ءَ آئی ءَ نامداریں سائنسدان اقبال چوہدری ءِ ازمت آناں ساڑات ءُ آئی ءَ را یک انچیں مردمے لیک ات کہ آئی ءَ پاکستان ءَ سائنسی پٹ ءُ پول ءُ نوآبادیاتی ءِ دیمروئی ءِ تہ ءَ مزنیں کرد پیلو کتگ۔ آئی ءَ اے گپ ءِ پدرائی کت کہ پاکستان ءَ را وھد ءِ زوال کنگ ءِ موہ نیست ءُ ”آزمائش ءُ ردی“ ءِ پالیسی ناقابل عمل جوڑ بوتگ۔ آئی ءَ اے گپ ءِ سر ءَ زور پر دات کہ منصوبگ ءِ جوڑ کنگ ءَ بندات ءَ چہ راستیں رھبند ءِ ٹھینگ المی اِنت تانکہ وھد ءُ وسیلگ آنی زوال ءِ دیم ءَ دارگ بہ بیت۔ دیمترا ’’لائف اسٹائل میڈیسن‘‘ ءِ رجحان ءِ حوالہ ءَ کہ سرجمیں دگنیا ءَ گیش بوھگ ءَ اِنت آئی ءَ گوشت کہ نوکیں سائنسی بنیات آنی سر ءَ فوڈ، نیوٹریشن ءُ درمان ءِ روایتی رھبند چوشکہ ہربل میڈیسن، چینی ءُ یونانی میڈیسن ءَ را دیم ءَ برگ بوھگ ءَ اِنت ءُ پاکستان ھم اے پڑ ءَ سنگینیں گامگیج زورگ ءَ اِنت۔ آئی ءَ پاکستان ءِ جھان ءِ کرد ءِ سر ءَ ھم زور پر دات ءُ گوشت کہ گوستگیں وھد آنی تہ ءَ پاکستان ءِ میاں اوستمانی ارزشت گیش بوتگ، ایشی ءِ واستہ اللہ تعالیٰ ءِ شگر ءُ منت ءَ  بگراں۔ آئی ءَ راجی سروکی ھاسیں رنگ ءَ مزن وزیر شہباز شریف، فیلڈ مارشل سید  عاصم منیر ءُ نائب مزن وزیر ءُ درئی کارانی وزیر سینیٹر  محمد اسحاق ڈار ءَ را مبارک بات دات ءُ گوشت کہ پاکستان ءَ مرچی جہانی تک ءَ نامداریں تک ءُ پھنات ءِ سر ءَ سر بوتگ ءُ دگنیا ءِ چم ایشی ءِ سر ءَ سک اَنت۔ آئی ءَ گوشت کہ جھان ءِ دلگوشی ءَ گوں ذمہ واری ھم گیش بوتگ انت، پمیشکا اے وھد نا ایوک ءَ سوبمندی آنی سر ءَ وشی بوھگ ءِ وھد انت بلکینگ ءَ گوں سنجیدگی، حکمت عملی ءُ راجی یکوئی ءَ گوں دیم ءَ جنزگ ءِ وھد انت۔ آئی ءَ اے جزم ءِ درشان کت کہ پاکستان نا ایوک ءَ وتی اندری نظام ءَ را گیش مھکم کنت بلکینگ ءَ جھان ءِ تک ءَ جوانیں ءُ جوانیں کرد ءَ را برجاہ دار ایت۔