چانگشا۔27اپریل (اے پی پی): پاکستان ءُ چین ءِ نیام ءَ دریا ءِ آپ ءِ کارمرد کنگ، ایگرو ٹیکنالوجی ءُ چائے ءِ شوبگ ءَ کمک ءِ ھوالگ ءَ سئے تپاک نامہ ءِ سر ءَ دستخط کنگ بوت ایشی ءِ تہ ءَ صدر ءِ مملکت آصف علی زرداری ءَ ھاسیں رنگ ءَ بھر زوری کت۔ دو شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ …
پاکستان ءُ چین ءِ نیام ءَ دریا ءِ آپ ءِ کارمرد، ایگرو ٹیکنالوجی ءُ چائے ءِ شوبگ ءَ کمک ءِ ھوالگ ءَ تپاک نامہ ءِ سر ءَ دستخط کنگ بوتگ، مراگش ءَ صدر آصف علی زرداری ءَ ھاسیں رنگ ءَ بھر زرتگ
گیشتریں ھال
چانگشا۔27اپریل (اے پی پی): پاکستان ءُ چین ءِ نیام ءَ دریا ءِ آپ ءِ کارمرد کنگ، ایگرو ٹیکنالوجی ءُ چائے ءِ شوبگ ءَ کمک ءِ ھوالگ ءَ سئے تپاک نامہ ءِ سر ءَ دستخط کنگ بوت ایشی ءِ تہ ءَ صدر ءِ مملکت آصف علی زرداری ءَ ھاسیں رنگ ءَ بھر زوری کت۔ دو شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ چین ءِ صوبہ ہنان چانگشا ءَ تپاک نامہ آنی سر ءَ دستخط کنگ ءِ مراگش برجم دارگ بوت۔ صدر آصف علی زرداری ءَ ھاسیں رنگ ءَ اے مراگش ءَ بھر زوری کت کہ ایشی ءِ تہ ءَ دریائی آپ ءِ کارمرد، ایگرو ٹیکنالوجی ءُ چائیتاک ءِ شوبگ ءَ کمک ءِ ھوالگ ءَ منوگری آنی سر ءَ دستخط کنگ بوت۔ تپاک نامہ ءِ تہ ءَ ھاسیں پڑ آنی تہ ءَ عملی کمک ءِ دیمروئی ءِ یکجاھیں کوشست ءِ درشان کنگ بوتگ۔ اولی تپاک نامہ ءِ سر ءَ محکمہ سندھ کے سینئر وزیر شرجیل انعام میمن ءُ لوشیئن انوائرمنٹل ٹیکنالوجی گروپ ءِ پارٹی برانچ ءِ سیکرٹری ءُ چیئرمین یوہوئی ءَ دستخط کت ۔ دومی سمجھوتہ محکمہ بلدیات سندھ ءُ لانگ پن ہائی ٹیک انفارمیشن کمپنی ءِ نیام ءَ کشت ءُ کشاری ٹیکنالوجی ءَ کمک ءِ واستہ منوگری کنگ بوت ۔ تپاک نامہ ءِ سر ءَ سندھ ءِ سنیئر وزیر شرجیل انعام میمن ءُ چینی کمپنی ءِ نیمگ ءَ چہ چیئرمین چن ژی شین ءَ دستخط کت ۔ سیمی تپاک نامہ چائیتاک ءِ شوبگ ءھوالگ ءَ اِنت جو مسکے اینڈ فیمٹی ٹریڈنگ کمپنی، ہونان ٹی گروپ ءُ جیالونگ انٹرنیشنل ٹیکنالوجی (ہینان) ءِ نیام ءَ منوگری بوت۔ پاکستان ءِ نیمگ ءَ چہ سینیٹر سلیم مانڈوی والا ءَ ایم او یو آنی سر ءَ دست چنگل جت۔ ہونان ٹی گروپ ءِ پارٹی سیکرٹری ءُ چیئرمین ژو چونگ وانگ ءُ ہینان جیالونگ انٹرنیشنل ٹریڈٹیکنالوجی ءِ چیئرمین ہائو جیاولونگ ءَ دستخط جت۔ تپاک نامہ آنی مول ءُ مراد توامیں شوبگ آناں دیمروئی دیگ اِنت ، چائیتاک ءِ صنعت ءِ دیمروئیء َ کمک ءُ اقتصادی ، تجارتی ءُ السی رابطہ آناں ھم مھکم کنگ بیت۔ سر وزیر سندھ ءِ کمک ءَ چہ ھاسیں سرمایہ کاری ءُ پبلک پرائیویٹ پارٹنر شپ منصوبگ آناں قاسم نوید قمر، چیف سیکرٹری سندھ علی حسن بروہی ءُ چین ءَ پاکستان ءِ سفیر خلیل ہاشمی ھم ھوار اِنت۔
