پاکستان جنوبی افریقہ ءِ گوما وتی دوستی ءِ سیادی ءَ را سک باز ارزشت دنت، صدر آصف علی زرداری ءَ راجی روچ ءِ درگت ءَ جنوبی افریقہ ءِ سروکی ءَ را مبارکی دات

اسلام آباد۔27اپریل  (اے پی پی): صدر آصف علی زرداری ءَ جنوبی افریقہ ءِ سروکی ءَ را راجی روچ ءِ درگت ءَ مبارکی دیان ءَ گوشت کہ پاکستان جنوبی افریقہ ءِ گوما وتی دوستی ءِ سیادی ءَ را سک باز ارزشت ءَ دنت۔ آئی ءَ اے جزم ءِ سر ءَ زور پر دات کہ دوئیں ملک آنی نیام ءَ استیں سیادی آیوکیں وھد ءَ گیش مھکم بنت۔ جمعہ ءِ روچ ءَ صدر ءِ مملکت ءِ پریس ونگ ءِ نیمگ ءَ چہ جاڑی بوتگیں کلوہ ءِ تہ ءَ صدر آصف علی زرداری ءَ جنوبی افریقہ ءِ صدر ، عالی جناب سر رامافوسا ءُ جنوبی افریقہ ءِ اُلس ءَ را راجی روچ ءِ مبارک بات داتگ ءُ گوشت کہ پاکستان جنوبی افریقہ ءِ گوما وتی دوستی ءِ سیادی ءَ را سک باز ارزشت دنت کہ ایشی ءِ بنیات یکجاھیں امن ءُ ایمنی ءِ سر ءَ اِنت۔ باز کسی تعاون ءِ سرا کار کنگ ءَ انت۔ صدر آصف علی زرداری ءَ جنوبی افریقہ ءِ تہا نسل پرستی ءِ حکومت ءِ وھد ءَ پاکستان ءِ اصولی موقف ءِ ذکر کنان ءَ گشتگ کہ 1948 ءَ پاکستان ءَ اسرائیل ءِ ہمراہی ءَ جنوبی افریقہ ءِ نسل پرستی ءِ حکومت ءِ منگ ءَ چہ انکار کتگ۔ صدر آصف علی زرداری ءَ گوشت کہ مردماں انگت ءَ پاکستانی پاسپورٹ آنی سر ءَ نبشتگیں ٹکٹ یات اِنت کہ ایشی ءِ تہ ءَ گشگ بوتگ کہ اے پاسپورٹ جنوبی افریقہ (اپارتھیڈ) ءُ اسرائیل ءِ واستہ کارآمد نہ اِنت ءُ اے 1994 ءَ جنوبی افریقہ ءَ نسل پرستی  آسر بوھگ ءَ تاں برجاہ بوتگ۔ وشھالی پہ دوئیں راجانی مردماں۔