مزن وزیر شہباز شریف ءَ وائٹ ہاؤس ءِ تیرگواری ءِ بابت ءَ صدر ٹرمپ ءِ  واستہ نیکیں واھگ   آنی  درشان

اسلام آباد۔ 26 اپریل (اے پی پی): مزن وزیر محمد شہباز شریف ءَ وائٹ ہاؤس ءَ تیرگواری ءِ وئیل ءِ سر ءَ سک باز دلپروشی ءِ درشانی کتگ ءُ امریکی صدر ڈونلڈ ٹرمپ ءِ واستہ نیکیں واھگ ءِ درشانی کتگ۔ یک شمبے ءِ روچ ءَ ایکس ءِ سر ءَ وتی پیغام ءِ تہ ءَ مزن وزیر ءَ گوشت کہ لہتیں وھد پیسر واشنگٹن ڈی سی ءَ وائٹ ہاؤس ءِ نمائندہ آنی انجمن ءِ شپ ءِ ورگ ءِ وھد ءَ بوتگیں المناکیں تیرگواری ءِ وئیل ءَ چہ آ سک باز ھیران بوتگ۔ آئی ءَ اے گپ ءِ سر ءَ دل یکیمی ءِ درشان کت کہ صدر ٹرمپ، بانُک اول ءُ ایندگر بھر زوروک اے وئیل ءَ ایمن اَنت۔ مزن وزیر ءَ صدر ٹرمپ ءِ واستہ نیکیں واھگ آنی درشان کت ءُ آئی ءِ جان سلامتی ءِ واستہ دعا کت۔ زانگ بہ بیت کہ ھالانی رد ءَ گوستگیں شپ ءَ وائٹ ہاؤس ءِ نمائندہ آنی انجمن ءِ شپ ءِ ورگ ءِ وھد ءَ تیرگواری ءِ وئیل بوتگ کہ ایشی ءِ تہ ءَ صدر ٹرمپ ءَ ھوار بھر زوروک ایمن بوتگ اَنت وھدے کہ یک ملزمے دزگیر کنگ بوتگ۔