اسلام آباد۔25اپریل (اے پی پی): نائب مزن وزیر /درئی کارانی وزیر سینیٹر محمد اسحاق ڈار ءِ سروکی ءَ دیوان ءَ نوکیں دمگی جاور ھال آنی سر ءَ چار ءُ تپاسی کنگ بوتگ۔ گند ءُ نند ءَ آئی ءَ یک رندے پدا گوشت کہ پڑ ءَ ءُ چہ ایشی ءَ در امن ءُ ایمنی ءِ پجارینگ ءِ واستہ ایران ءُ امریکہ ءِ نیام ءَ گپ ءُ تران ءَ پاکستان آسراتی …
نائب مزن وزیر محمد اسحاق ڈار ءَ نوکیں دمگی جاور ھال چار ءُ تپاسی ءِ واستہ دیوان ءِ سروکی
گیشتریں ھال
اسلام آباد۔25اپریل (اے پی پی): نائب مزن وزیر /درئی کارانی وزیر سینیٹر محمد اسحاق ڈار ءِ سروکی ءَ دیوان ءَ نوکیں دمگی جاور ھال آنی سر ءَ چار ءُ تپاسی کنگ بوتگ۔ گند ءُ نند ءَ آئی ءَ یک رندے پدا گوشت کہ پڑ ءَ ءُ چہ ایشی ءَ در امن ءُ ایمنی ءِ پجارینگ ءِ واستہ ایران ءُ امریکہ ءِ نیام ءَ گپ ءُ تران ءَ پاکستان آسراتی دیگ ءَ انت ءُ پاکستان اے رد ءَ وتی کوشستاں برجاہ دار ایت۔ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ آئی ءَ گیش پدر کتگ کہ ایران ءُ امریکہ ءِ آسراتی ءِ عمل ءِ ھوالگ ءَ پاکستان ءِ سرکاری پالیشی ھما اِنت کہ ایوک ءَ سرکاری چینل آنی وسیلگ ءَ جاری کنگ بوتگ۔ پاکستانی ھرچ نام نہ گپتگیں کارندہ یا وسیلہ ءِ بیان چہ پرنٹ میڈیا ءَ بہ بنت یا سوشل میڈیا ءَ پاکستان ءِ سرکاری موقف ءِ درشان نہ کن اَنت۔ آئی ءَ پرنٹ ءُ الیکٹرانک میڈیا ءَ را پنت ءُ شون کت کہ آ قیاس آرائی ءِ رپورٹنگ ءَ چہ بہ رک اَنت ءُ ایوک ءَ سرکاری بیانانی سر ءَ دلگوش بہ کن اَنت۔
