مزن وزیر ءَ بلوچستان ءِ دمگ ڈھاڈر ءَ فتنہ الهندستان ءِ ناشرکارانی اُرش ءَ را ناکام کنگ ءِ پد ءَ پولیس ءُ سی ٹی ڈی ءَ را  توسیپ ءُ ستا

اسلام آباد۔25اپریل  (اے پی پی): مزن وزیر محمد شہباز شریف ءَ بلوچستان ءِ دمگ ڈھاڈر ءَ فتنہ الهندستان ءِ ناشرکارانی اُرش ءَ را ناکام کنگ ءِ ھاتر ءَ پولیس ءُ سی ٹی ڈی ءَ را شگر ءُ منت گپت۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ پولیس ءُ سی ٹی ڈی ءِ نیمگ ءَ وھد ءِ سر ءَ کار کنگ ءَ را ساڑات ءُ گوشت کہ بلوچستان پولیس ءُ سی ٹی ڈی ءِ دلیریں زھگ بہادری ءِ مزنیں مثال پیش کن اَنت۔ مزن وزیر ءَ ناشرکار آنی گوما بہادری ءَ گوں دیم پہ دیم بوھگ ءِ وھد ءَ وتی جان ندر کنوکیں افسر ءَ را یات کت ءُ شھید ءِ واستہ مغفرت ءُ غمگینیں ھاندان آنی واستہ صبر ءُ اوپار ءِ دعا کت۔ مزن وزیر ءَ گوشت کہ پاکستان ءِ حکومت ملک ءَ چہ ناشرکاری ءِ سرجمی ءَ ھلاس کنگ ءِ جزمیگ اِنت۔