ملیریا یک کشندہیں نادراہی یے بلے ایشی ءِ درمان کنگ بیت، ایشی ءِ ھلاسی ءِ واستہ یکجائی کوشست المی انت، بلوچستان ءِ سر وزیر

کوئٹہ۔ 25 اپریل (اے پی پی): بلوچستان ءِ سر وزیر میر سرفراز بگٹی ءَ ملیریا ءِ جھان ءِ روچ ءِ درگت ءَ وتی کلوہ ءِ تہ ءَ گوشت کہ ملیریا یک کشندہیں نادراھی یے بلے ایشی ءِ درمان کنگ بیت، ایشی ءِ ھلاسی ءِ واستہ یکجائی کوشست المی اِنت۔ آئی ءَ اے گپ ءِ سر ءَ زور پر دات کہ حکومت ءُ الس ءَ را یکجائی ءَ اے نادراھی ءِ ھلاپ ءَ جوانیں گامگیج چست کنگی اِنت تانکہ جان سلامتیں چاگرد جوڑ بہ بیت۔ آئی ءَ گوشت کہ صوبائی حکومت ملیریا ءِ وھد ءِ پجار ءُ جوانیں درمان ءِ واستہ مفت ءَ آسراتی پجاری کنگ ءَ انت۔ آئی ءَ سیادی داروکیں ادارگ آناں ہدایت کت کہ آ اے آسراتی آنی پُجاری ءَ را جوانتر ءُ موثر جوڑ بہ کن اَنت تانکہ دوریں دمگ آنی الس ھم ایشی ءَ چہ سیت چست بہ کن اَنت۔ بنجاھی وزیر ءَ الس ءَ را اپیل کت کہ آ ملیریا ءِ گر ءُ دار ءِ واستہ احتیاطی گامگیج بہ زور اَنت، وتی کش ءُ گور ءِ صفائی ءِ ھاسیں دلگوش بہ کن اَنت ءُ رکاوٹیں آپ ءِ ھلاسی ءَ را دل یکیمی بہ کن اَنت، چیاکہ اے نادراھی ءِ شنگ ءُ تالان بوھگ ءِ مستریں سبب اِنت۔ آئی ءَ اے جزم ءِ پدا زور دات کہ بلوچستان ءِ ھمک شھمکی ءِ جان سلامتی ءِ رکھینگ حکومت ءِ اولی ذمہ واری ءُ اولویت انت، ءُ اے مول ءُ مراد ءِ سرجمی ءِ واستہ درستیں دست کپتگیں وسیلگ کارمرد کنگ بوھگ ءَ انت۔