استاد ھمک مہذبیں چاگرد ءِ تہا ازت  ءُ  شرپداریں مقامے دار انت گورنر بلوچستان

کوئٹہ۔ 25 اپریل (اے پی پی): گورنر بلوچستان جعفر خان مندوخیل ءَ گشتگ کہ استاد ھمک مہذبیں چاگرد ءَ شرپدار ءُ شرپداریں جاہ ءِ واھند انت، استاد یکیں وھد ءَ مئے آیوکیں وھد ءِ رہشون، رول ماڈل ءُ آرکیٹیکٹ انت۔ صوبہ ءِ سرجمیں وانگ ءُ زانگ ءِ ادارگاں ، ھاسیں رنگ ءَ اسکول ءِ استاداں یک پیغامے ءِ تہ ءَ آئی ءَ گوشت کہ مئے وانگ ءُ زانگ ءِ ادارگ آنی تہ ءَ ما باز براں نصاب ءِ وھد ءِ سر ءَ سرجم کنگ ، سبق ءِ پھجارینگ ءُ چکاس آنی برجم دارگ ءِ سر ءَ دلگوش دئیں بلے ایشی ءَ چہ گیش یک مزنیں چاگردی ذمہ واری یے است کہ نودربر آنی تہ ءَ مھکمیں کردار ، مزنیں اخلاقی قدر ءُ قیمت ءِ زندگ کنگ بہ بیت۔ آئی ءَ گوشت کہ بلوچستان ایندگہ صوبہانی مقابلہ ءَ کمیں بلے پرشت ءُ پروش ءِ آبادی ءِ استان انت ۔ اے بے دروریں صلاحیت ءِ واھند اِنت، پدا ھم ایشی ءَ را منفردیں تعلیمی چیلنجانی دیم ءَ اِنت۔ مارا دگہ استانانی وڑ ءَ یک سختیں سرکاری نگرانی ءُ احتساب ءِ نظام ءِ کمی اِنت ءُ اے ھم سیاسی گل آنی تک ءَ یک نزوری یے ۔ ایشانی ھوار ءَ استان ءِ دور ءُ دراج ءُ پدمنتگیں میتگانی بازیں مردم استادانی نہ بوھگ یا وھد ءِ سر ءَ عمل کنگ ءِ ھلاپ ءَ گپ نہ جن اَنت ءُ نہ کہ اے وڑیں جیڑھاں گوں ھمگرنچیں واکداراں ھال کن اَنت۔ اے وڑیں جاوراں ھمک ذمہ وار ءُ سرپدیں مردم وتی ضمیر ءِ دیم ءَ احتساب بہ کنت۔ آئی ءَ گوشت کہ بدبھتی ءَ مئے استان وانگ ءُ زانگ ءُ سواد ءِ کچ ءَ چہ دگہ درستاں پد منتگ انت۔ ہاں، مئے کارکردگی ھما نہ اِنت کہ آ بہ بیت، ما وتی راجی ذمہ واری ءُ زمہ واری ءَ گوں ایمانداری ءَ پیلو کنگ ءَ وتی استان ءَ ملک ءِ دیمروئی کتگیں استانانی برابر ءَ آرگ ءَ ایں، گوں جوانیں وانگ ءُ زانگ ءُ تربیت ءَ، شما نودربراں نوکیں مہارتانی دربرگ ءِ سکین دات کن اِت۔ آئی ءَ گوشت کہ منی ھیال ءَ اگاں استاد اولی روچ ءَ چہ نودربر آنی وانگ ءِ سر ءَ سرجمیں دلگوشی بہ دنت ءُ کورس ءِ وھد ءَ مدام رھشونی بہ کنت گڈا نودربر چکاس آنی تہ ءَ دھوکہ دیگ ءِ ضلورت ءَ نہ مار اَنت۔ گڈسرا گورنر بلوچستان جعفر خان مندوخیل ءَ سرجمیں صوبہ ءَ اسکول ءِ استاداں گوں تران کنان ءَ گوشت کہ شما ایوک ءَ استاد نہ اِت بلکیں تقدیر ءِ معمار اِت، ھمک روچ زانت ءُ انسانیت ءِ نیام ءَ پُل جوڑ کن اِت ءُ دیمروئی ءُ وانندہیں بلوچستان ءِ امیت اِت۔