چرنوبل ایٹمی حادثہ دنیا ءِ راجدپتر ءِ تہا مزنیں واکیہ  یے بوتگ، میاں اوستمانی براتی ءَ ایٹمی سلامتی ءُ سلامتی ءِ مستریں معیار ءَ را دل یکیمی کنگی انت، صدر آصف علی زرداری

اسلام آباد۔26اپریل  (اے پی پی): چرنوبل ءِ ایٹمی وئیل ءِ چل سال سرجم بوھگ ءِ موہ ءَ صدر آصف علی زرداری ءَ میاں اوستمانی براتی ءَ چہ لوٹ کتگ کہ آ ایٹمی ایمنی ءُ ایمنی ءِ مستریں معیار ءَ را دل یکیمی بہ کنت تانکہ انسانیت ءَ را اے وڑیں وئیلاں چہ رکھینگ بہ بیت۔ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ ایٹمی حادثہ آنی آسر ایوک ءَ یک دمگ ءُ نسل ءِ تہ ءَ نہ بنت بلکیں دہائی آنی تہ ءَ برجاہ بوت کن اَنت۔ آئی ءَ اے گپ ءِ سر ءَ ھم زور پر دات کہ چرنوبل ءَ پد ءِ جاور ھال ءَ میاں اوستمانی کمک ءِ ارزشت ءَ را پدر کتگ کہ اودا اقوام متحدہ ءُ ایندگر ادارگ آنی نیمگ ءَ پٹ ءُ پول، طبی کمک ءُ بحالی ءِ پروگرام آنی وسیلگ ءَ آماچیں مردم آنی کمک کنگ بوتگ۔ صدر آصف علی زرداری ءَ گوشت کہ اے وئیل ءَ چہ دربرگ بوتگیں سبق پدر انت کہ ایٹمی سلامتی ایوک ءَ تکنیکی جیڈھ نہ انت بلکینگ ءَ سکیں نگرانی، مُدام احتیاط ءُ مزنیں کچے ءَ ذمہ واری ءِ ضلورت انت۔ آئی ءَ ھشدار داتگ کہ ایٹمی آسراتی آنی سر ءَ ھرچ وڑیں لاپروائی ءِ آسر سک باز بوت کن اَنت۔ آئی ءَ گوشت کہ اے وڑیں حادثہ عام شھمکی آنی واستہ سک باز تکلیف ءِ آماچ بنت ایشی ءِ تہ ءَ نا کشت ءُ کشاری زمین، وردن ءُ وراک ءِ کمی، زوراکی ءَ چہ آوار جنگ ءُ جان سلامتی ءِ جیڈھ ھوار انت۔ آئی ءَ وتی اے جزم ءِ یک رندے پدا گوشت کہ پاکستان ایٹمی سلامتی ءُ ایمنی ءِ میاں اوستمانی معیار آنی سر ءَ سک باز عمل کنت ءُ ایٹمی ھترہ آناں کم کنگ ءُ ایمنیں آیوکیں وھد ءَ را دل یکیمی کنگ ءِ واستہ کنگ بوھوکیں درستیں میاں اوستمانی کوشست آنی سر ءَ کمک ءَ برجاہ دار ایت۔ آئی ءَ گوشت کہ چرنوبل ءِ وئیل اے گپ ءِ پدریں یات ءِ انت کہ اے پڑ ءَ کسانیں ردی ءِ ھم گنجائش نیست پرچا کہ آیوکیں نسل آناں ایشی ءِ مول ءُ مراد ادا کنگی انت۔ 1986 ءَ بوتگیں چرنوبیل ءِ ایٹمی حادثہ دنیا ءِ راجدپتر ءِ مزنیں واکیہ  یے بوتگ کہ آئی ءَ ایٹمی خطرہ ءُ ذمہ واری ءِ بابت ءَ سرپدی ءِ سرا چمشانک داتگ۔ اے حادثہ ءِ آسر ءَ تابکاری ءِ شنگ ءُ تالان بیلاروس، یوکرین ءُ روس ءَ ھوار مزنیں دمگاں سر بوتگ ءُ لکاں مردم آماچ بوتگ اَنت ءُ ایشی ءِ اثر بازیں وھدے ءَ برجاہ بوتگ اَنت۔ اے روچ مارا تابکاری ءِ دور رسیں ءُ دراجیں اثرات ءِ شناخت کنگ ءِ یات ءَ دنت کہ ایشی ءِ نہ ایوک ءَ راجمانی جان سلامتی ءِ سرا بلکیں چاگرد ءُ معیشت ءِ سرا ہم گہتریں اثرات است انت۔