مزن وزیر ءِ ورنا پروگرام ڈاکٹر روبینہ اعوان ءِ چیر دستی ءَ ورنا آناں بااختیار جوڑ کنگ ءِ واستہ جتا جتائیں گامگیج

چکوال۔ 25 اپریل (اے پی پی): ڈی سی کارگس ءِ کمیٹی روم ءَ مزن وزیر ءِ ورنا پروگرام ءِ فوکل پرسن ڈاکٹر روبینا اعوان ءِ سروکی ءَ چکوال ءُ تلاگانگ ضلع ءَ کار کنوکیں درستیں رجسٹرڈ این جی اوز ءُ فلاحی ادارگ آنی دیوان برجم دارگ بوت۔ دیوان ءِ تہ ءَ ڈپٹی ڈائریکٹر سوشل ویلفیئر وسیم عباس، جتا جتائیں این جی اوز ءُ گل آنی نمائندگ ءُ سیادی داروکیں افسر ھم ھوار بوتگ اَنت۔ اے موہ ءِ سر ءَ ضلع ءِ تہ ءَ برجاھیں وشھالی ءِ کار ، ورنا آنی دیمروئی ، مہارت ءِ دیمروئی ءُ روزگار ءِ موہ آنی سر ءَ سرجمیں چار ءُ تپاسی کنگ بوت۔ دیوان ءَ گوں گشتانک دیان ءَ ڈاکٹر روبینہ اعوان ءَ گوشت کہ مزن وزیر ءِ ورنا پروگرام ءِ چیر دستی ءَ ورنا آناں توانمند کنگ ءِ واستہ جتا جتائیں گامگیج کنگ بوھگ ءَ انت۔ آئی ءَ این جی اوز ءُ فلاحی ادارگ آنی سر ءَ زور پر دات کہ آ وتی کار آناں سرکاری پالیشی آنی رد ءَ یکجا بہ کن اَنت تانکہ گیش ءَ چہ گیش ورنا نپ چست بہ کن اَنت۔ گند ءُ نند ءَ وت مہ وتی ہم آہنگی ءَ را گیش موثر جوڑ کنگ ءُ یکجائی حکمت عملی ءِ سرا تپاک کنگ بوتگ تانکہ ضلع چکوال ءُ تلاگانگ ءَ فلاحی ءُ دیمروئی ءِ گامگیج آناں گیش گہتر کنگ بہ بیت۔