پاکستانی کاروباری برات ءَ وفاقی وزیر قیصر احمد شیخ ءِ شرپ ءَ  پر مڈائیں دیوان

اسلام آباد/لندن۔25اپریل  (اے پی پی): وفاقی وزیر سرمایہ کاری بورڈ قیصر احمد شیخ ءِ شرپ ءَ لندن ءَ پاکستانی بزنس کمیونٹی ءِ نیمگ ءَ مزنیں استقبالیہ ءِ برجم دارگ بوت۔ مراگش ءَ پاکستانی نسل ءِ کاروباری مردم، سرمایہ کار، پیشہ ور ءُ جتاجتائیں پڑ ءِ نامداریں مردماں بھمک زرتگ۔ اے مراگش ءَ درملکیں پاکستانی آنی وتی وطن ءِ گوما مھکمیں سیادی ءُ پاکستان ءِ اقتصادی دیمروئی ءِ تہ ءَ کرد پیلو کنگ ءِ جزم ءِ درشانی کتگ۔ بورڈ آف انویسٹمنٹ ءِ نیمگ ءَ جاڑی بوتگیں بیان ءِ رد ءَ اے موہ ءِ سر ءَ وفاقی وزیر ءَ اوورسیز پاکستانی بزنس کمیونٹی ءِ کرد ءَ را ساڑات ءُ گوشت کہ آ جھان ءِ تک ءَ پاکستان ءِ معیشت ءَ را مھکم کنگ ءَ ھاسیں کرد پیلو کنگ ءَ اَنت۔ حکومت ءِ سرمایہ کار دوستیں پالیشی آنی سر ءَ چمشانک دیان ءَ آئی ءَ درملکی سرمایہ کاری ءَ را دیمروئی دیگ، کاروباری آسراتی ءَ را گہتر کنگ ءُ میاں اوستمانی شریکداری آناں دیمروئی دیگ ءِ واستہ حکومت ءِ ءُ ءِ سر ءَ زور پر دات۔ وفاقی وزیر ءَ گوشت کہ پاکستان سرمایہ کاری ءِ موہ آناں دیمروئی دیگ، پیشہ وارانہ معیار آناں گہتر کنگ ءُ برجمیں اقتصادی سیادی ءِ جوڑ کنگ ءِ واستہ جھان ءِ مالیاتی ادارگ ءُ سرمایہ کار آنی گوما سرگرمیں رنگ ءَ کار کنگ ءَ انت۔ آئی ءَ گیش گوشت کہ اوورسیز پاکستانی ملک ءُ جھان ءِ بزنس کمیونٹی ءِ نیام ءَ یک مھکمیں پُل ءِ اَنت ءُ سرمایہ کاری، تجارت ءِ دیمروئی ءُ پاکستان ءِ جوانیں امیج ءَ را پدر کنگ ءِ واستہ آھانی کرد سک باز المی اِنت۔ مراگش ءِ گڈ ءَ حکومت ءُ اوورسیز پاکستانی بزنس کمیونٹی ءَ پاکستان ءِ اقتصادی دیمروئی، سرمایہ کاری ءِ دیمروئی ءُ راجی دیمروئی ءِ واستہ یکجائی ءَ کار کنگ ءِ جزم ءِ درشان کت۔ سرمایہ کاری بورڈ سرمایہ کار آناں آسراتی دیگ، گلوبل شراکت داری ءَ را دیمروئی دیگ ءُ پاکستان ءَ را سرمایہ کاری ءِ واستہ ترجیحی منزل جوڑ کنگ ءِ واستہ جزم انت۔