ملک مستر ءِ ضلع  خیبر ءَ  فتنہ الخوارج ءِ 22 ناشرکاراناں  جہندم ءَ دیم دیئگ ءَ سکیورٹی فورس آناں داد  ءُ سلام  پیش کتگ

اسلام آباد۔24اپریل  (اے پی پی): ملک مستر آصف علی زرداری ءَ ضلع خیبر ءَ یکجاہی انٹیلی جنس آپریشن ءِ  تہا فتنہ الخوارج ءِ 22 ناشرکاراناں  کوش دئیگ ءُ سلاھ  درگیر کنگءَ سکیورٹی  فورس آناں دادءُ سلام پیش کتگءُ گشتگ  کہ  ناشرکاری ءِ وروکی ءِ حلاپءَ  سکیورٹی فورس ءُ کانود پہازوکیں    ادارگانی قربانی آنی سرءَ پھر اِنت۔ جمعہ ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ  ملک مسترءَ ناشرکار آنی نیمگ ءَ بے سوبیں تیرگواری ءِ آسر ءَ 10سالی بے گناھیں زھگ ءِ شھید بوھگ ءِ سر ءَ سک باز دلپدردی ءُرنج ءِ درشانی کتگ ءُھاندان ءَ گوں دلپدردی ءِ درشانی کتگ۔ آئی ءَ گوشت کہ اے وھد ءَ کہ پاکستان ءِ سروکی دمگءُ دگنیا ءَ امن ءِ واستہ سرجمیں رنگ ءَ کوشست کنگ ءَ انت ناشرکار مئے کوشست آناں ھم نزور کنگ لوٹ اَنت۔ صدر آصف علی زرداری ءَ گوشت کہ ما ناشرکاری ءَ را ھم پروش دئیاں  ءُ دگنیا ءَ امن ءِ واستہ وتی کرد ءَ پیلو کناں۔