آئی بی سی سی ءِ نیمگ ءَ برجم داشتگیں آل پاکستان انٹر بورڈز ہاکی چیمپئن شپ 2025–26 سوبمندیں رنگے ءَ آسر بوت، لاہور بورڈ ءَ چیمپئن ءِ جار جت

اسلام آباد۔24اپریل  (اے پی پی): انٹر بورڈز کوآرڈینیشن کمیشن ءِ نیمگ ءَ برجم داشتگیں آل پاکستان انٹر بورڈز ہاکی چیمپئن شپ 2025–26 سوبمندیں رنگ ءَ آسر بوتگ۔ اے مراگش آئی بی سی سی ءِ یک ذیلی کمیٹی انٹر بورڈ اسپورٹس کمیٹی (آئی بی ایس سی) ءِ کمک ءَ برجم دارگ بوتگ وھدے کہ لاہور بورڈ ءَ 21 ءَ بگر داں 23 اپریل ءَ ایشی ءِ میزبانی کتگ ات۔ پنجاب بورڈ آف ٹیکنیکل ایجوکیشن، بنّو، مردان ءُ پشاور۔

ایونٹ ءِ ساھت ءَ لیبی جوانیں اسپورٹس مین شپ ءِ درشانی کتگ کہ ایشی ءَ چہ راجی تک ءَ اسپورٹس ءِ دیمروئی ءُ بین صوبائی ھمگرنچی ءَ را مھکم کنگ بوتگ۔ گڈی مقابلہ آنی پد ءَ لاہور بورڈ ءَ جوانیں کارکردگی پیش داشتگ ءُ اولی نمبر ءِ سر ءَ وتی دست گپتگ ءُ گجرانوالہ دومی ءُ پشاور سیمی نمبر ءَ بوتگ۔ دیوان ءِ بنداتی مراگش ءِ ھاسیں مہمان آئی بی سی سی ءِ ایگزیکٹو ڈائریکٹر ڈاکٹر غلام علی ملا ات۔ اے موہ ءِ سر ءَ اولمپین شہباز سینئر، پرویز سندیلا، خواجہ جنید، فیصل فرید، رضوان نظیر ءُ مسعود الرحمن ءُ اے دگہ ھاسیں مردم ھم ساڑی اتنت۔ ڈاکٹر غلام علی ملا ءَ وتی گشتانک ءِ تہ ءَ گوشت کہ آئی بی سی سی نہ ایوک ءَ اکیڈمک ھمگرنچی ءِ دیمروئی ءِ تہ ءَ کرد پیلو کنگ ءَ اِنت بلکیں نودربر آنی سرجمیں دیمروئی ءِ واستہ ھمگرنچیں نصابی کار آناں ھم سرجمیں رنگ ءَ ارزشت دیگ ءَ اِنت۔ آئی ءَ گوشت کہ ادارگ ءَ ھر سال 30 ءَ چہ گیش راجی ءُ میاں اوستمانی لیب ءُ گوازی ءِ مقابلہ کنگ بنت، ایشی ءِ تہ ءَ مردین ءُ جنین نودربر آناں یک وڑیں موہ دیگ بنت۔

آئی ءَ گیش گوشت کہ آئی بی سی سی ھاکی ءِ راجی گوازی ءِ دیمروئی ءِ واستہ وتی کوشست آناں گیش کنگ ءَ اِنت، ھمے وھد ءَ وانگ ءُ زانگ ءِ ادارگ آنی تہ ءَ اسپورٹس کلچر ءِ دیمروئی کنگ ءُ نودربر آنی تہ ءَ نظم و ضبط، ٹیم ورک ءُ سروکی ءِ وڑیں مہارت آناں پدر کنگ ءَ اِنت۔ مراگش ءِ گڈ ءَ لاہور بورڈ ءِ جوانیں بندوبست آنی سر ءَ ستا دیگ بوت، وھدیکہ آرگنائزنگ سیکریٹری ڈاکٹر بدر محی الدین  ءِ ھزمت آناں ھم ستا دیگ بوت۔ اے موہ ءِ سر ءَ اے عزم ءِ پدا زور دیگ بوت کہ سرجمیں ملک ءَ اسپورٹس ءُ کو نصابی کار آناں گیش دیمروئی دیگ بیت تانکہ یک جان سلامت ءُ باصلاحیتیں ورنا نسل ءِ دیمروئی کنگ بہ بیت۔