نیشنل پرائس مانیٹرنگ کمیٹی ءِ ہفتگی دیوان ءِ سروکی ءَ پروفیسر احسن اقبال

اسلام آباد۔24اپریل  (اے پی پی): نیشنل پرائس مانیٹرنگ کمیٹی  ءِ ہفتگی دیوان جمعہ ءِ روچ ءَ وفاقی وزیر منصوبہ بندی، دیمروئی ءُ ھاسیں گامگیج پروفیسر احسن اقبال ءِ سروکی ءَ برجم دارگ بوتگ۔ نیشنل پرائس مانیٹرنگ کمیٹی ءِ ہفتگی دیوان ءَ گوں تران کنان ءَ وفاقی وزیر ءَ گوشت کہ جھان ءِ دباؤ ءِ باوجود اے گپ وش اتک کنگ بیت کہ ملک ءَ کھاد ءِ نرخ برجم انت، حکومتی گامگیج آنی سبب ءَ کم کم ءَ افراط زر برجائی ءَ انت۔ آئی ءَ گوشت کہ ٹرانسپورٹ ءِ کرایہ ءَ گیشی نہ بوتگ، ءُ مُرگ ءِ نھاد خلیج جنگ ءَ پیسر ءِ کچ ءَ سر بوتگ اَنت۔ احسن اقبال ءَ گوشت کہ پولٹری ءِ شوبگ ءَ نرخ آنی برجائی ءِ واستہ کولڈ چین انفراسٹرکچر ءِ جوڑ کنگ المی اِنت۔ آئی ءَ پنت ءُ شون داتگ کہ کولڈ چین ءِ ھوالگ ءَ پنچ روچ ءِ اندر ءَ تجویز تیار کنگ بہ بنت۔ احسن اقبال ءَ گوشت کہ میتگ آنی تہ ءَ نا معیاری گھی ءُ ایندگر وردن ءِ چیز آنی سر ءَ چہ گیش بوھگ ءِ کنٹرول ءِ واستہ موثر گامگیج چست کنگ بہ بنت، درستیں صوبائی ءُ وفاقی ادارگ آناں نرخ آناں مھکم کنگ ءُ المی سامان آنی گیشیں اسٹاک ءَ را دل یکیمی کنگ ءِ واستہ ھوشیار بہ بنت۔ وفاقی وزیر ءَ ہفتگی قیمتانی نگرانی ءِ سرا بیورو آف اسٹیٹسٹکس ءُ صوبائی حکومت آنی کارکردگی ءِ ہم توسیپ کتگ۔