کتاب علم، زانت ءُ  سیویلائزیں میراس ءِ واھند اَنت، وزیر ءِ مملکت برائے بنجاھی وانگ ءُ زانگ ءُ  ھیل کاری

اسلام آباد۔ 23 اپریل (اے پی پی)  : وفاقی وانگ ءُ زانگ ءُ  کزبی ھیل کاری  ءِ وزیر ءِ مملکت وجیہہ قمر ءَ کتاب ءِ جھان ءِ روچ ءِ درگت ءَ وتی کلوہ ءِ تہ ءَ گوشت کہ کتاب زانت، شعور ءُ دود ءُ ربیدگ ءِ نگہبانی انت ءُ کجام ھم راج ءِ پگری دیمروئی ءَ بنیاتی کرد ءِ پیلو کنت۔ آئی ءَ گوشت کہ پاکستان ءِ نبشتہ کار، نبشتہ کار ءُ استاد آناں چاگرد ءِ تہ ءَ زانت ءُ سرپدی ءِ دیمروئی ءِ واستہ ارزشتی ایں ھزمت کتگ کہ اے ستا کرزیں گپ اِنت۔ آئی ءَ گوشت کہ انوگیں ڈیجیٹل دور ءَ کہ زانتکاری ءِ رسگ پیسر ءَ چہ گیش آسان بوتگ، کوالٹی ریڈنگ ءِ ارزشت گیش بوتگ۔ کتاب انسان ءِ تہا تنقیدی سوچ ءُ خلاقی ءُ شرتریں فیصلہ سازی ءِ مہارتاں دیم ءَ برگ ءَ انت کہ آ شعوری ءُ ذمہ واریں چاگرد ءِ جوڑ کنگ ءِ ھاترا ناگزیر انت۔ وزیر مملکت ءَ اے گپ ءِ سر ءَ زور پر دات کہ نوکیں نسل آنی تہ ءَ وانگ ءِ رجحان ءَ را دیم ءَ برگ وھد ءِ ضلورت اِنت۔ اے ھاتر ءَ کوالٹی ءِ کتاب آنی دسترس، لائبریری آنی دیمروئی ءُ وانگ ءُ زانگ ءِ وسیلگ آنی پجارینگ ءِ ھاتر ءَ دل یکیمی کنگ بوھگ ءَ اِنت تانکہ نودربر آنی تہ ءَ جوانیں ءُ زانت دوستیں چاگرد ءِ ھست بہ بیت۔ آئی ءَ گیش گوشت کہ حکومت وانندگی ءِ دیمروئی، زانت ءَ را آسانی ءَ رسگ ءُ کتابی دوستی ءِ دود ءُ ربیدگ ءَ را مھکم کنگ ءِ واستہ عملی گامگیج برجاہ انت۔ آئی ءَ راج ھاسیں رنگ ءَ ورنا آنی سر ءَ زور پر دات کہ آ وانگ ءَ را وتی زندمان ءِ بھر جوڑ بہ کن اَنت ءُ پاکستان ءَ را علم بنیات ، دیمروئی ءُ رژناہ پجاری چاگرد جوڑ کنگ ءَ وتی کرد ءَ پیلو بہ کن اَنت۔