کتاب زانت، شعور ءُ دیمروئی ءِ بُن ھشت اِنت، کتاب ءِ جھان ءِ روچ ءِ سر ءَ چیئرپرسن بے نظیر انکم سپورٹ پروگرام ءِ کلوہ

اسلام آباد۔23اپریل  (اے پی پی): چیئرپرسن بے نظیر انکم سپورٹ پروگرام سینیٹر روبینا خالد ءَ گوشت کہ کتاب زانت، شعور ءُ دیمروئی ءِ بُن ھشت اِنت، چاگرد ءِ دیمروئی وانگ ءُ زانگ ءُ وانگ ءِ دیمروئی ءِ سر ءَ بندوک اِنت، ورناھیں نسل آنی تہ ءَ کتاب دوستی ءِ دیمروئی وھد ءِ لوٹ اِنت۔ کتاب ءِ جھان ءِ روچ ءِ درگت ءَ وتی کلوہ ءِ تہ ءَ سینیٹر روبینا خالد ءَ گوشت کہ زانت گریبی ءُ پدمنتگی ءِ ھلاسی ءِ یک جوانیں وسیلگ اِنت، زالبول آنی وانگ ءُ زانگ ایشانی وت واجہی ءِ ضمانت اِنت۔ آئی ءَ گوشت کہ بے نظیر انکم سپورٹ پروگرام مستحقیں زالبول آنی سرپدی ءُ وانگ ءُ زانگ ءِ دیمروئی ءِ واستہ جزم انت، ہر لوگ ءَ کتاب ءُ ہر دست ءَ قلم مئے یکجائی واب بہ بیت۔ آئی ءَ گوشت کہ ڈیجیٹل ءِ زمانگ ءَ اوں کتاب ءِ ارزشت کم نہ بوتگ بلکیں گیش بوتگ۔ مصنوعی ذہانت ءِ وسیلہ ءَ زانتکاری رس ایت بلے ایوک ءَ کتاب زانت ءُ گہتری ءِ وسیلہ ءَ رس ایت۔ الگورتھم مئے ترجیحات ءَ بدل کنت، بلے کتاب مئے شخصیت ءَ جوڑ کنت۔ ٹیکنالوجی آسراتی دنت بلے زانت ءِ راستیں تب کتابانی تہا زندگ اِنت۔ سینیٹر روبینہ خالد ءَ گوشت کہ کتاب تنقیدی سوچ ءُ برداشت ءِ دیمروئی ءَ کن اَنت وھدے کہ مشین ایوک ءَ ڈیٹا ءِ سر ءَ کار کن اَنت۔ مصنوعی ذہانت ءِ دور ءَ کتاباں گوں ہمگرنچ بوہگ ءَ چہ مردم بے درور بیت۔ آئی ءَ گوشت کہ نوکیں نسل ءَ را ڈیجیٹل دنیا ءِ گوما وانگ ءِ عادت ءَ وتی کنگ لوٹ ایت۔ زالبول ءُ ورنایاں گوں کتاباں ہمگرنچ کنگ شعور ءُ مھکمیں چاگردے ءِ گارنٹی اِنت۔