مزن وزیر ءَ پولیو ءِ ھلاسی ءِ ھوالگ ءَ ھاسیں چار ءُ تپاسی دیوان ءِ سروکی کت، ملک ءَ چہ پولیو ءِ سرجمیں ھلاسی ءِ واستہ جزمیگ  شہباز شریف

اسلام آباد۔22اپریل  (اے پی پی): مزن وزیر محمد شہباز شریف ءَ ملک ءَ چہ پولیو ءِ سرجمی ءَ ھلاس کنگ ءِ جزم ءِ درشان کتگ ءُ پولیو ءِ ھلاپ ءَ جنگ ءَ پولیو ھلاسی ٹیم ءِ بے مٹیں کوشست آناں ساڑاتگ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ پولیو ءِ ھلاسی ءِ ھوالگ ءَ یک ھاسیں جائزہ دیوان ءِ برجم دارگ بوتگ ایشی ءِ تہ ءَ وفاقی وزیر ءِ اھوالکاری عطاء اللہ تارڑ ، وفاقی وزیر قومی صحت مصطفیٰ کمال ، وزیر مملکت برائے قومی صحت ڈاکٹر ملک مختار احمد بھرتھ، وزیر مملکت برائے خزانہ و ریلوے بلال اظہر کیانی ،وزیراعظم کی فوکل پرسن برائے انسداد پولیو سینیٹر عائشہ رضا فاروق  ءُ سیادی داروکیں مزنیں سرکاری کارندہ آں بھر زرتگ۔ مزن وزیر ءَ گند ءُ نند ءَ بھر زوروکاں گوں تران کنان ءَ گوشت کہ ملک ءَ چہ پولیو ءِ سرجمیں ھلاسی ءِ واستہ جزمیگ آں۔ مزن وزیر ءَ پولیو ءِ ھلاپ ءَ جنگ ءَ پولیو ھلاسی ٹیمب ءِ بے مٹیں کوشست آناں ساڑات۔ دیوان ءَ پولیو ءِ ھلاپ ءَ گامگیج آنی بابت ءَ سرپدی دیگ بوت، ایشی ءِ تہ ءَ ھال دیگ بوت کہ تاں انوگ ءَ 2026 ءَ پاکستان ءَ پولیو ءِ تہ ءَ ایوک ءَ یک کیسے گندگ بوتگ، ضلع سوجاول ءَ چہ۔ 2024 ءَ پولیو ءِ 74 ءُ 2025 ءَ 31 کیس ءِ رپورٹ بوتگ۔اے سال ءَ پنجاب، خیبر پختونخوا، بلوچستان، اسلام آباد، گلگت بلتستان ءُ آزات جموں ءُ کشمیر ءَ چہ پولیو ءِ کیس ءِ رپورٹ نہ بوتگ۔ 2025ءِ اولی سہ ماہی ءَ ملک ءِ 67ضلع پولیو ءَ چہ آماچ بوتگ اَنت کہ 2026ءِ اولی سہ ماہی ءَ اے کساس 23 ءَ چہ کم بوتگ۔پولیو ءِ ھلاپ ءَ سرجمیں مہم آنی تہ ءَ راجی لوگی کوریج 98درسد ءِ سر ءَ بوتگ۔ خیبر پختونخوا ءِ جنوبی ضلع آنی تہ ءَ گہتریں رسائی ءُ پولیو ءِ ھلاپ ءَ مہم ءِ سبب ءَ پولیو ءِ ڈراپ ءِ چہ گار بوھگ ءِ تہ ءَ زھگ آنی کساس کم بوتگ۔ ھمے رنگ ءَ کوئٹہ بلاک ءَ پولیو وائرس ءِ لوکل اسپریڈ ءِ تہ ءَ ھم مزنیں کمی بوتگ۔ کراچی ءَ مارچ ءِ ماہ ءَ 12 ماحولیاتی نمونہانی تہا 10 ءَ پولیو وائرس گندگ نہ بوتگ کہ اے جوانیں دیمروئی یے ۔ دیوان ءَ را سرپدی دیگ بوت کہ ستمبر 2025ءَ چہ ڈیرہ اسماعیل خان ضلع ءَ پولیو ءِ ہچ وڑیں کیس ءِ رپورٹ نہ بوتگ، بنو ضلع ءَ پولیو ءَ چہ گیشتر آماچیں یونین کونسل آنی کساس 62 ءَ چہ کم بوتگ ءُ ایشی ءَ ابید ای پی آئی ءُ پی ای آئی ءِ یکجا کنگ ءِ ھوالگ ءَ وفاقی ءُ صوبائی تک ءَ حکمت عملی جوڑ کنگ بوھگ ءَ انت۔ بے نظیر انکم سپورٹ پروگرام ءِ گامگیج آناں پولیو ءِ ھلاسی ءَ گوں ھمگرنچ ءُ شرط کنگ ءِ واستہ ھم کار کنگ بوھگ ءَ اِنت۔