وفاقی وزیر داخلہ محسن نقوی ءَ ھاسیں دیوان ءِ سروکی ، بالی پٹ آنی سر ءَ یکجائی چیکنگ کاؤنٹر ءُ نوکیں ٹیکنالوجی ءِ  پٹ کنگ ءِ پیسلہ

اسلام آباد۔22اپریل  (اے پی پی): وفاقی وزیر داخلہ محسن نقوی ءِ سروکی ءَ وزارت داخلہ ءُ وزارت دفاع ءِ ھاسیں یکجائی دیوان ءِ برجم دارگ بوت کہ ایشی ءِ تہ ءَ سرجمیں ملک ءِ بالی پٹ آنی سر ءَ مسافر آناں میاں اوستمانی معیار ءِ آسراتی پجاری ءُ سیکورٹی سسٹم ءِ نوک کنگ ءِ ھوالگ ءَ ھاسیں پیسلہ کنگ بوت۔ اے مزن تک ءِ دیوان ءَ سیکرٹری داخلہ محمد خرم آغا، سیکرٹری دفاع لیفٹیننٹ جنرل (ر) محمد علی، ایڈیشنل سیکرٹری داخلہ میجر جنرل نور ولی خان، ایڈیشنل سیکرٹری دفاع میجر جنرل قیصر سلیمان، ڈی جی اینٹی نارکوٹکس فورس میجر جنرل عبدالمعید  ءُ  ڈی جی ایف آئی اے ڈاکٹر عثمان انور  ءَ بہر زرتگ۔   بالی پٹ آنی سر ءَ درستیں سیادی داروکیں ادارگ آنی ”مشترکہ کاؤنٹر“ جوڑ کنگ ءِ پیسلہ کنگ بوتگ دانکہ درستیں گامگیج یک جاگہ ​​ءَ سرجم کنگ بہ بنت۔ چیکنگ سسٹم ءَ را کارآمد جوڑ کنگ ءِ ھاترا بالی پٹ آنی سر ءَ نوکیں اسکینر ءُ مشینری ایر کنگ بنت۔ گند ءُ نند ءَ ای گیٹ ایر کنگ ءِ عمل ءِ سرا چار ءُ تپاسی کنگ بوت، ایشی ءَ چہ امیگریشن ءِ عمل ءَ را ترندی رسیت۔ وزیر دفاع ءَ گوشت کہ پرندگ آنی اُرش ءَ چہ بالی گراب آناں رکھینگ ءِ واستہ نوکیں مشینری درآمد کنگ بوھگ ءَ اِنت۔ توامیں ادارگ آنی نیام ءَ جوانی ءَ گوں ھمگرنچی ءَ را دل یکیمی کنگ ءِ سر ءَ زور پر دیان ءَ وزیر تہی کار محسن نقوی ءَ گوشت کہ الس ءَ را نوکیں، ترند ءُ آسانیں سفری آسراتی پجاری کنگ مئے جزم اِنت۔ یک اسکینر ءِ سر ءَ درستیں ادارگ آنی یکجاھیں چیکنگ ءَ چہ مسافر آنی وھد ءِ بچت ءُ بالی پٹ آنی سر ءَ رش ءُ ودار ءَ را مزنیں کساسے ءَ کم کنگ بیت۔ آئی ءَ سیادی داروکیں واکدار آناں ہدایت کت کہ آ مسافر آنی ترندیں کلیئرنس ءِ واستہ درستیں رکاوٹ آناں دور بہ کن اَنت تانکہ درملک ءَ چہ روگ ءُ آیوکیں شہری آناں ھچ وڑیں جیڈھ ءِ آماچ مہ بنت۔