برطانیہ ءِ ہائی کمشنر جین میریٹ ءَ گوں نائب مزن وزیر محمد اسحاق ڈار ءَ گند ءُ نند کتگ ، دمگی جاور ھال آنی سر ءَ گپ ءُ تران

اسلام آباد۔22اپریل  (اے پی پی): برطانیہ ءِ ہائی کمشنر جین میریٹ ءَ چار شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ درئی کارانی کارگس ءِ رد ءَ گند ءُ نند ءِ ساھت ءَ پیداکیں دمگی جاور ھال آنی سر ءَ گپ ءُ تران کنگ بوت ۔ نائب مزن وزیر ءُ وزیر ءِ درئی کار ءَ رابطہ کاری ءِ دیمروئی ءِ واستہ پاکستان ءِ برجاھیں کوشست آنی سر ءَ زور پر دات ءُ جیڈھ آناں ایمنی ءِ گوما گیواری ءِ واستہ گپ ءُ تران ءُ سفارتکاری ءِ ارزشت ءِ سر ءَ زور پر دات۔ برطانوی ہائی کمشنر ءَ امریکہ ءُ ایران ءَ را مذاکرات ءِ میز ءِ سر ءَ آرگ ءِ تہ ءَ پاکستان ءِ آسراتی ءِ کرد ءَ را ساڑات ءُ ایشی ءِ حمایت ءِ یک رندے پدر کت۔