مزن وزیر شہباز شریف ءَ امریکہ ءُ ایران ءِ نیام ءَ جنگ بندی ءِ  وھد ءُ پاس ءَ گیشی ءِ پد ءَ امریکی صدر ڈونلڈ ٹرمپ ءَ وشی ءِ درشان

اسلام آباد۔22اپریل  (اے پی پی): مزن وزیر محمد شہباز شریف ءَ امریکی صدر ڈونلڈ ٹرمپ ءِ منت گپت کہ آئی ءَ امریکہ ءُ ایران ءِ نیام ءَ جنگ بندی ءِ وھد ءَ را گیش کتگ ءُ امیت درشان کتگ کہ دوئیں نیمگ جنگ بندی ءِ سر ءَ عمل کنگ ءَ برجاہ دار اَنت ءُ اسلام آبا ءَ گپ ءُ تران ءِ دومی راؤنڈ ءَ یک سرجمیں ”امن  ءُ ایمنی منوگری“ ءِ سر ءَ سر بوھگ ءِ ھاترا توانمند بنت۔ چار شمبے ءِ روچ ءَ سوشل نیٹ ورکنگ ویب سائٹ ’’ایکس‘‘ ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ آ ذاتی رنگ ءَ ءُ فیلڈ مارشل سید عاصم منیر ءِ نیمگ ءَ صدر ٹرمپ ءِ منت وار آں کہ آئی ءَ پاکستان ءِ لوٹ من اِتگ ءُ جنگ بندی ءِ وھد ءَ را گیش کتگ تانکہ سفارتی کوشست آناں دیم ءَ برگ بہ بیت۔ آئی ءَ گوشت کہ داتگیں بھروسہ ءِ رد ءَ پاکستان جیڈھ ءِ گپ ءُ تران ءِ وسیلگ ءَ گیواری ءِ واستہ سرجمیں کوشست ءَ برجاہ دار ایت۔ مزن وزیر ءَ امیت درشان کت کہ دوئیں نیمگ جنگ بندی ءِ سر ءَ عمل کنگ ءَ برجاہ دار اَنت ءُ جیڈھ ءِ دائمی گیواری ءِ واستہ اسلام آباد ءَ برجم دارگ بوتگیں گپ ءُ تران ءِ دومی راؤنڈ ءَ یک سرجمیں ”امن منوگری“ ءِ سر ءَ سر بوھگ ءِ ھاترا توانمند بنت۔