چین ءِ سفیر ءَ نائب مزن وزیر ءُ دری کارانی وزیر اسحاق ڈار ءَ گوں گند ءُ نند کت، نوکیں دمگی جاور ھال آنی سر ءَ گپ ءُ تران

اسلام آباد۔21اپریل  (اے پی پی): چین ءِ سفیر جیانگ زیڈونگ ءَ سئے شمبے ءِ روچ ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ دفتر ءِ درئی کارانی رد ءَ گند ءُ نند ءَ نوکیں دمگی جاور ھالانی سر ءَ گپ ءُ تران کنگ بوتگ ۔ چینی سفیر ءَ امریکہ ءُ ایران ءِ نیام ءَ دائمی امن ءُ ایمنی ءِ واستہ سیادی ءِ دیمروئی ءِ واستہ پاکستان ءِ برجاھیں کوشست آناں سرجمیں رنگ ءَ کمک ءِ درشان کت ءُ اے گامگیج ءَ را ساڑات۔ نائب مزن وزیر ءَ پاکستان ءُ چین ءِ ہر موسم ءِ اسٹریٹجک کوآپریٹو پارٹنر شپ ءَ را دیم ءَ برگ ءِ جزم ءِ سر ءَ یک رندے پدا دوئیں ملک آنی نیام ءَ مزن تک ءِ تبادلہ ءِ ارزشت ءِ سر ءَ زور پر دات ءُ دو نیمگی سیادی آنی مھکمیں رنگ ءَ را پدر کت۔