نائب مزن وزیر ءَ مصر ءِ دری کارانی وزیر ءَ گوں ٹیلی فون ءِ سر ءَ گپ ءُ تران کتگ ، نوکیں دمگی جاور ھال آنی سر ءَ گپ ءُ تران

اسلام آباد۔21اپریل  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ سئے شمبے ءِ روچ ءَ مصر ءِ دری کارانی وزیر بدر عبدالعاطی  ءَ گوں فون ءِ سر ءَ گپ ءُ تران کتگ ءُ نوکیں دمگی جاور ھال آنی سر ءَ گپ ءُ تران کتگ۔ دری کارانی کارگس ءِ رد ءَ دوئیں راہشوناں امن ءُ ایمنی ءِ واستہ گپ ءُ تران ءُ تعامل ءِ ارزشت ءِ سر ءَ زور پر دات ءُ نزیکیں رابطہ ءِ سر ءَ برجا بوھگ ءِ سر ءَ تپاک کت۔ گپ ءُ تران ءِ ساھت ءَ دوئیں رہشوناں بدل بوھوکیں دمگی منظر نامہ ءِ رد ءَ امن، استحکام ءُ تناؤ ءِ ھلاسی ءِ واستہ گپ ءُ تران ءُ تعمیری ھوار بوھگ ءِ ضلورت ءِ سر ءَ زور پر دات۔ دوئیں نیمگاں دمگ ءَ دائمی امن ءِ برجائی ءِ ھاتر ءَ کوشست آناں برجاہ دارگ ءِ وتی جزم ءِ پدا زور دات۔