علامہ اقبال ءَ مسلماناں وتی پجار ءُ منزل ءِ احساس داتگ، ڈپٹی چیئرمین سینیٹ

اسلام آباد۔21اپریل  (اے پی پی): سینیٹ ءِ ڈپٹی چیئرمین سیدل خان ءَ مشرق ءِ شاعر پاکستان ءِ مفکر ڈاکٹر علامہ محمد اقبال ءِ 88می بیرانی سالروچ ءِ درگت ءَ وتی کلوہ ءِ تہا گشتگ کہ ڈاکٹر علامہ محمد اقبال ءِ ھاتر ءَ یک مزنیں دانشورے ءِ ھاتر ءَ   مسلمان آنی واستہ  شاہ زانتی مرچی ھم پہ راجاں رھشونی ءِ وسیلہ اَنت۔ آئی ءَ گوشت کہ علامہ اقبال ءَ وتی فکر ءِ وسیلگ ءَ گلامی ءِ تہاری ءَ امیت ءِ کندیل روک کت ءُ مسلمان آناں وتی پجار ءُ منزل ءِ احساس دات۔ ڈپٹی چیئرمین سینیٹ ءَ گوشت کہ ڈاکٹر علامہ محمد اقبال ءِ سکین آنی تہ ءَ داتگیں وت مہ وتی، ایمان ءُ عمل ءِ سبق مرچیگیں ورنا آنی واستہ رژن ءِ چراگ انت۔ آئی ءَ اے گپ ءِ سر ءَ زور پر دات کہ نوکیں نسل ءَ را اقبال ءِ کلوہ ءَ را سرپد بوھگی اِنت ءُ آئی ءِ توانائی آناں کارمرد کنگی اِنت تانکہ آ ملک ءُ راج ءِ دیمروئی ءِ تہ ءَ سرگرمیں کرد پیلو بہ کن اَنت۔ سیدل خان ءَ گوشت کہ ڈاکٹر علامہ محمد اقبال ءِ وژن ءِ بنیات یک انچیں چاگرد ءِ جوڑ کنگ اِنت کہ ایشی ءِ تہ ءَ انصاف، برابری ءُ انسانی شرپ بنیاتی بہ بیت۔ آئی ءَ گوشت کہ استیں جاور آنی تہ ءَ اقبال ءِ پکر آناں عملی زند ءَ وتیگ کنگ سک باز المی انت تانکہ ما یک مھکمیں، آزات ءُ وشھالیں ریاست ءِ بنیات ءَ ایر بہ کن ایں ۔ آئی ءَ گیش گشت کہ اے راجی ادارگانی ذمہ واری انت کہ آ وتی راھبند ءُ کارانی تہ ءَ اقبال ءِ ھیالاں ھیال ءَ بہ دار انت۔ آئی ءَ گوشت کہ یکوئی، ھمگرنچی ءُ راجی یکوئی ءِ دیمروئی ءِ واستہ اقبال ءِ پکر ءَ چہ رھشونی زورگ وھد ءِ لوٹ اِنت۔ ڈپٹی چیئرمین سینیٹ ءَ گوشت کہ ما یک راج ءِ بستار ءَ ڈاکٹر علامہ محمد اقبال ءِ ھیال ءُ لیکہ ءَ را وتی اجتماعی ءُ انفرادی زندمان ءِ بھر جوڑ کنگ ءِ جزم ءَ را پدا پدر کن ایں ۔ آئی ءَ دعا کت کہ اللہ تعالیٰ مارا اقبال ءِ کلوہ ءِ سرپد بوھگ ءُ عمل کنگ ءِ توانائی بہ دنت۔