علامہ اقبال ءَ برصغیر ءِ مسلماناں یک جتاہیں پجارے، وت ءَ را احساس ءُ آجوئی ءِ واب داتگ، وفاقی وزیر پارلیمانی کار

اسلام آباد۔21اپریل  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ علامہ اقبال ءَ برصغیر ءِ مسلماناں یک جتاہیں پجار، وت ءَ را احساس ءُ آجوئی ءِ واب داتگ۔ وفاقی وزیر ءَ مشرقی علامہ محمد اقبال ءِ 88می بیرانی ءِ سالروچ ءِ سر ءَ آئی ءَ را یات کنان ءَ گوشت کہ ما وعدہ بہ کن ایں کہ ما علامہ اقبال ءِ شاہ زانتی ءِ وت، یکوئی ءُ عمل ءَ را وتی زند ءِ بھر جوڑ کن ایں تانکہ پاکستان یک مھکمیں، آجو ءُ سوبمندیں ریاستے جوڑ بہ بیت۔ وفاقی وزیر ءَ وتی کلوہ ءِ تہ ءَ گوشت کہ ما مرچی پاکستان ءِ مفکر، مشرق ءِ شاعر علامہ محمد اقبال ءَ را آئی ءِ بیرانی ءِ سالروچ ءِ درگت ءَ شگر ءُ منت ءَ گِراں۔ علامہ اقبال یک مزنیں رہشونے بوتگ کہ آئی ءَ برصغیر ءِ مسلماناں یک جتاہیں پجارے، وت ءَ را احساس ءُ آجوئی ءِ واب داتگ۔ آئی ءِ فکر ءُ الہ آباد ءِ وعظ ءَ پاکستان ءِ بُن ہشت ءِ ایر کنگ ءَ تاریخی کرد پیلو کتگ۔ آئی ءَ ھما راج ءِ سِنچ بیدار کت کہ آ گلامی ءِ زنجیراں بندوک اَت۔ اقبال ءِ شاعری ایوک ءَ لبز نہ بوتگ بلکیں یک انقلابے بوتگ، یک انچیں کلوہ یے کہ مروچی ہم مارا محنت، وت واجہی ءُ تپاکی ءِ نیمگ ءَ دعوت دنت۔ آئی ءِ وابانی پیلو کنگ پاکستان ءِ دروشم ءَ مئے دیم ءَ اِنت ، ءُ نوں اے امانت ءِ رکینگ مئے زمہ واری اِنت ۔ دعا کت کہ اللہ تعالیٰ اللہ تعالیٰ الّامہ اقبال ءِ رُتباں بُرز بہ کنت ءُ آئی ءِ راہ ءِ سرا روگ ءِ توسیپ ءُ توان ءَ مارا بہ دنت۔