کاروباری ڈل ءَ وفاقی وزیر جام کمال خان ءَ گوں گند ءُ نند کت، برآمدات ءَ را گیش کنگ ءِ واستہ ای کامرس ءُ مہارت آنی دیمروئی ءِ ھوالگ ءَ گپ ءُ تران

اسلام آباد۔21اپریل  (اے پی پی): نامداریں تاجر تیمور صدیق ءِ سروکی ءَ کاروباری ڈل ءَ سئے شمبے ءِ روچ ءَ وفاقی وزیر تجارت جام کمال خان ءَ گوں وتی کارگس ءَ گند ءُ نند کت۔ گند ءُ نند ءِ تہ برآمدات ءِ تہ ءَ گیشی ءِ واستہ ای کامرس ءِ سر ءَ انحصار ءِ تہ ءَ گیشی ءُ ہنرمندی دیمروئی ءِ سر ءَ ھیال ریچی کنگ بوت۔ دیوان ءَ دود ءُ ربیدگ ءُ سیل ءُ سواد بلوچستان ءِ پارلیمانی سیکرٹری نواب زادہ میر محمد زرین خان مگسی ءَ ہم بہر زرتگ ءُ بلوچستان ءَ ہنر ءُ سیل ءُ سواد ءِ دیمروئی ءِ بابت ءَ گپ ءُ تران کتگ۔ وفاقی وزیر برائے تجارت جام کمال خان ءَ گوشت کہ ای کامرس، مہارت ءِ تربیت ءُ معیشت ءِ دستاویزی شکل ءِ وسیلگ ءَ برآمدات ءِ تہ ءَ مزنیں گیشی ممکن اِنت، پاکستان ءَ ٹیکسٹائل، چمڑہ ءُ ویلیو ایڈڈ پروڈکٹس ءِ تہ ءَ برآمدات ءِ تہ ءَ گیشی ءِ مھکمیں فریم ورک است اِنت۔ آئی ءَ گوشت کہ دمگی مہارت آناں جھان ءِ مارکیٹ آنی گوما یکجا کنگ ءِ واستہ ڈیجیٹل پلیٹ فارم ءُ پالیسی ءِ کمک المی اِنت۔ وزیر تجارت ءَ گوشت کہ بلوچستان ءَ پیشہ وارانہ تربیتی سنٹر آنی وسیلگ ءَ زالبول آناں روزگار ءُ برآمد کنگ ءِ موہ رسگ ءَ انت۔ تربیت ءِ تہ ءَ ایوک ءَ ھچ نہ بیت۔ ای کامرس ءِ وسیلگ ءَ دمگی چیزاں گلوبل خریدارانی دیم ءَ آرگ المی اِنت۔ آئی ءَ گوشت کہ ڈیجیٹل تجارت ءَ چہ دوریں دمگ آنی واستہ ایکسپورٹ ءِ نوکیں راہ پچ بوتگ انت۔ قالین بافت ءُ دستکاری ءِ وڑیں روایتی صنعت ای کامرس ءِ وسیلہ ءَ پدا دیمروئی کت کن انت۔ جام کمال ءَ گوشت کہ بے دستاویزیں معیشت ٹیکس دیوکیں کاروبار آنی واستہ نا منصفانہ مقابلہ پیداک کنت۔ برآمد کنوک آنی واستہ ریگولیٹری سسٹم ءِ تہ ءَ گہتری ءُ ٹیکس ءِ واپسی ءِ جیڈھ گیش ءُ گیوار کنگ بوھگ ءَ انت۔ سرکاری ءُ نجی شراکت داری ءُ ڈیجیٹل معیشت ءِ دیمروئی ءِ وسیلگ ءَ کاروباری ماحول ءَ را گہتر کنگ بیت۔